კავკასიური კეთილშობილი ირმისა და კავკასიური არჩვისთვის ეკოლოგიური დერეფნების შესაქმნელად ბორჯომ-ხარაგაულის პარკი ფართოვდება

ბორჯომ-ხარაგაულის ეროვნული პარკის გაფართოებისა და მისი ტერიტორიის კორექტირებისთვის პარლამენტში კანონპროექტი დარეგისტრირდა. „ბორჯომ-ხარაგაულის დაცული ტერიტორიების შექმნისა და მართვის შესახებ“ კანონში ცვლილების პროექტი ბიუროს 2 მარტს წარედგინება.

კანონპროექტის ძირითადი მიზანია დიდი ზომის ძუძუმწოვრების და უპირველესად, „საქართველოს წითელი ნუსხით“ დაცული ორი სახეობის - კავკასიური კეთილშობილი ირმის და კავკასიური არჩვისთვის დასავლეთ მცირე კავკასიონზე ეკოლოგიური დერეფნების შექმნა. ამისთვის გამოიყენება ლანდშაფტური მიდგომა, რაც გულისხმობს არსებული დაცული ტერიტორიების გაფართოებას და ახალი დაცული ტერიტორიების დაარსებას.

საკანონმდებლო ცვლილების მიხედვით, ბორჯომ - ხარაგაულის ეროვნული პარკის გაფართოება ადიგენის მუნიციპალიტეტში იგეგმება. ტერიტორია 4179,6 ჰექტარს მოიცავს, რაც ადიგენის სატყეოს ფართობის თითქმის 13,9%-ს შეადგენს.

„ეს მნიშვნელოვნად შეუწყობს ხელს კეთილშობილი ირმის მზარდი პოლულაციის (ამჟამად ეროვნულ პარკში უკვე 500-მდე სული ირემია) წარმომადგენლების გადაადგილებას და მთლიანად, ეროვნული პარკის ფარგლებში იზოლირებული, პოპულაციის სტრუქტურის გაუმჯობესებას. ეროვნული პარკის გაფართოება ასევე შეუწყობს ხელს კავკასიური არჩვის დასავლეთ მცირე კავკასიონის მცირერიცხოვანი პოპულაციის ზრდას და ამ რეგიონის უნიკალური წიწვოვანი ტყეების, კერძოდ, წმინდა ნაძვნარების, ნაძვნარ-სოჭნარების და ფიჭვნარების დაცვას. ეს უკანასკნელი კი, თავის მხრივ, მნიშვნელოვნად გააუმჯობესებს აბასთუმნის რეკრეაციული ზონის ეკოლოგიური სერვისების მდგომარეობას,“ - ნათქვამია კანონპროექტის განმარტებით ბარათში.

საკანონმდებლო ცვლილების პროექტის ინიციატორი საქართველოს მთავრობაა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა