ამირან გამყრელიძის განცხადებით, ჩინეთში კორონავირუსის როგორც ახალი შემთხვევების, ასევე სიკვდილიანობის კლებაა

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ჩინეთში კორონავირუსის, როგორც ახალი შემთხვევების, ასევე სიკვდილიანობის კლება აღინიშნება.

როგორც გამყრელიძემ ჟურნალისტებთან საუბარში განაცხადა, ამ დროის მონაცემებით, კორონავირუსის ახალი შემთხვევა 51 ქვეყანაშია დაფიქსირებული.

„საერთო სტატისტიკა რომ შევაჯამოთ, ასეთი გახლავთ - ჩინეთში მიმდინარეობს ახალი შემთხვევების კლება, ასევე კორონავირუსული ინფექციით გამოწვეული სიკვდილიანობის სერიოზული კლებაა, მაგრამ ჩინეთს გარეთ დღეს უკვე 51 ქვეყანაშია დაფიქსირებული ეს ახალი კორონავირუსული ინფექცია და ჯერჯერობით, გვაქვს ზრდის დინამიკა. განსაკუთრებით ინტენსიურია ეს ზრდის დინამიკა სამხრეთ კორეაში, იტალიასა და ირანში. განსაკუთრებით, ირანში აღინიშნება სიკვდილიანობის მაღალი პროცენტი. ოფიციალური მონაცემებით, 388 ადამიანია ირანში ინფიცირებული და 34 სიკვდილის შემთხვევაა“, - განაცხადა გამყრელიძემ.

მისივე განმარტებით, განსაკუთრებული ყურადღება ექცევათ იტალიიდან საქართველოში შემოსულ ადამიანებს, რომლებიც ძირითადად, ქართველები არიან.

„საქართველოში ამ ეტაპზე ჩვენთვის განსაკუთრებით საფრთხილოა ყველა მაღალდასენიანებული ქვეყნებიდან შემოსვლის ალბათობა. იცით, რომ სერიოზული ბარიერია დაწესებული ირანიდან შემოსულ ადამიანებზე, ჩინეთიდან შემოსულ ადამიანებზე, რომლებიც გადადიან თვითიზოლაციაში თუ არაფერი სიმპტომები არ აქვთ, ხოლო თუ სიმპტომები აქვთ, გადაყვანილი იქნებიან საავადმყოფოში. ასევე განსაკუთრებული ყურადღებაა იტალიიდან შემოსულ ადამიანებზე, რადგან იტალიიდან ძირითადად, ბრუნდებიან ჩვენი თანამემამულეები, ანუ ქართველები, ამიტომ მათ ყველას თვითიზოლაცია ერჩევათ“, - განაცხადა გამყრელიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება