თბილისის ბაგა - ბაღებში და სახელოვნებო სკოლებში ორკვირიანი არდადეგები გამოცხადდა.

როგორც „ინტერპრესნიუსს“ თბილისის ბაგა-ბაღების მართვის სააგენტოში განუცხადეს, შექმნილი ვითარებიდან გამომდინარე, 2 მარტიდან 16 მარტამდე ბაღებში აღმზრდელობითი პროცესი შეჩერდება.

შეგახსენებთ, დღეს, საქართველოს პრემიერ-მინისტრის ხელმძღვანელობით, კორონავირუსთან დაკავშირებით შექმნილი უწყებათაშორისი საკოორდინაციო საბჭოს მორიგ სხდომაზე გადაწყდა, რომ პროფილაქტიკის მიზნით, სკოლებში ჯანდაცვის სამინისტროს მიერ რეკომენდებული დამატებითი სადეზინფექციო სამუშაოების ჩატარებისთვის, სკოლებში საგაზაფხულო არდადეგები, 9 მარტის ნაცვლად, 2 მარტიდან დაიწყება და 16 მარტამდე გაგრძელდება.