ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

მათი ცნობით, მოსამართლე ნიკოლოზ მარგველაშვილმა ვ.ბ.-ს აღკვეთის სახედ გირაო 5 000 ლარის ოდენობით, ზ.დ-ს კი - პატიმრობა შეუფარდა.

„საქმე ეხება ჭიათურის მუნიციპალიტეტის სოფელ შუქრუთში ყალბი რეგისტრაციით, სახელმწიფო მიწის ნაკვეთების უკანონოდ დაუფლების ფაქტს.

დაკავებულ ზ.დ-სა და ვ.ბ-ს წინააღმდეგ გამოძიება სსკ-ის 180-ე მუხლით მიმდინარეობს.

ცნობისთვის, ეს აღნიშნულ დანაშაულზე დაკავების პირველი შემთხვევა არ არის. საგამოძიებო სტრუქტურებმა 2019 წლის ნოემბერში, ჭიათურის მუნიციპალიტეტის სოფელ ზოდის ტერიტორიაზე, მოტყუებით, ყალბი რეგისტრაციით, სახელმწიფო მიწის ნაკვეთების უკანონოდ დაუფლების ფაქტზე სისხლის სამართლის პასუხისგებაში შვიდი პირი მისცეს.

გამოძიებას ორი სტრუქტურა - ფინანსთა სამინისტროს საგამოძიებო სამსახური და შინაგან საქმეთა სამინისტრო აწარმოებს“,-ნათქვამია ინფორმაციაში.