სამხრეთ კაროლინას შტატში გამართულ „დემოკრატების“ პრაიმერში აშშ-ის ყოფილმა ვიცე-პრეზიდენტმა, ჯო ბაიდენმა გაიმარჯვა. მან 48.8% მიიღო. მეორე ადგილზე გავიდა სენატორი ბერნი სანდერსი - 19.9%-ით, მესამე ადგილს კი მილიარდერი ტომ სტეიერი 11.3%-ით. ეს სტეიერისთვის საუკეთესო შედეგი იყო, თუმცა მან საარჩევნო კამპანიის დატოვების გადაწყვეტილება მაინც მიიღო.

“დემოკრატებს“ სჭირდებათ კანდიდატი, რომელიც „დემოკრატია“, მთელი ცხოვრება „დემოკრატია“, ამაყი „დემოკრატია“, ობამა-ბაიდენ „დემოკრატია“. ჩვენ გვაქვს ორი ვარიანტი : დიდი გამარჯვება, ან დიდი მარცხი“, - განაცხადა ბაიდენმა.

„დემოკრატების“ პრაიმერს "ტვიტერზე" აშშ-ის პრეზიდენტი დონალდ ტრამპი გამოეხმაურა :

„ვულოცავ მძინარა ჯო ბაიდენს! „დემოკრატები“ მაგრად მუშაობენ, რომ გადარეული ბერნი სანდერსის სახელი და რეპუტაცია დაანგრიონ და მას ნომინაცია წაართვან“, - აღნიშნა ტრამპმა.

მანამდე, სენატორმა ბერნი სანდერსმა ნიუ-ჰემფშირისა და ნევადას შტატებში გაიმარჯვა. 3 მარტს კანდიდატები „სუპერ სამშაბათის“ პრაიმერში დაუპირისპირდებიან ერთმანეთს, რომელიც ერთდროულად ქვეყნის 14 შტატში იმართება.