ბაქოში, კორონავირუსზე ეჭვის საფუძველზე, ირანის ხუთი მოქალაქის ჰოსპიტალიზაცია განხორციელდა. ამის შესახებ „სპუტნიკ-აზერბაიჯანი“ იუწყება.
სააგენტოს მონაცემებით, ირანის მოქალაქეები სასტუმრო Holiday İnn Baku-ში ცხოვრობდნენ. ამჟამად კი, მათ მდგომარეობას ექიმები აკვირდებიან.
აზერბაიჯანის სამედიცინო ტერიტორიული ქვედანაყოფების სამმართველოების გაერთიანებაში სააგენტოსთან საუბარში დააზუსტეს, რომ ირანის აღნიშნული მოქალაქეები ბაქოს ნომერ პირველ კლინიკური ცენტრში არიან მოთავსებული.
ცნობილია, რომ აზერბაიჯანში კორონავირუსის სამი შემთხვევა დაფიქსირდა, რომელთაგან ერთ-ერთი დაინფიცირებული რუსეთის მოქალაქეა.