ირაკლი კობახიძე - თუ საარჩევნო სისტემაში მაჟორიტარული კომპონენტი სათანადო მოცულობით არ იქნება წარმოდგენილი, გაგვიჭირდება მისი გატანა პარლამენტში

საპარლამენტო უმრავლესობის წევრის, პარტია „ქართული ოცნება“ დემოკრატიული საქართველოს აღმასრულებელი მდივნის ირაკლი კობახიძის განცხადებით, თუ საარჩევნო სისტემაში მაჟორიტარული კომპონენტი საკმარისი მოცულობით არ იქნება წარმოდგენილი, პარლამენტში მისი გატანა გაუჭირდებათ.

კობახიძის თქმით, უმრავლესობის შეხვედრის ერთ-ერთ მიზეზს სწორედ უმრავლესობის წევრების, მაჯორიტარების ხმების მოპოვებას და მათ დარწმუნებას ემსახურებოდა.

„ჩვენი შეხვედრის ერთ-ერთი მიზანი იყო საუბარი საპარლამენტო უმრავლესობის წევრებთან, სადაც, მათ შორის, მაჟორიტარები არიან წარმოდგენილი და ჩვენთვის ბუნებრივია, მნიშვნელოვანია არა მარტო ოპოზიციის ხმების მოპოვება ამ პროექტის გარშემო არამედ საპარლამენტო უმრავლესობის ხმების მოპოვებაც. აქედან გამომდინარე, თუ სათანადო მოცულობით არ იქნება წარმოდგენილი ამ სისტემაში მაჟორიტარული კომპონენტი, ჩვენ გაგვიჭირდება მისი გატანა პარლამენტში. ამიტომ, ნაცვლად პროპორციული ცვლილებისა, ჩვენ ვთავაზობთ ალტერნატიულ ვარიანტს, რომელიც ზუსტად ისეთივე ეფექტურია და უზრუნველყოფს ზუსტად იგივე შედეგის დადგომას, რასაც უზრუნველყოფდა, მაგალითად, ოპოზიციის მიერ შემოთავაზებული 120/30-ზე სისტემა“, - განაცხადა ირაკლი კობახიძემ.

ცნობისთვის, პარტიის ოფისში დღეს საპარლამენტო უმრავლესობის სხდომა გაიმართა, რომელსაც „ქართლი ოცნება - დემოკრატიული საქართველოს“ თავმჯდომარე ბიძინა ივანიშვილიც ესწრებოდა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით