ევროკავშირი იდლიბში მიმდინარე მოვლენებთან დაკავშირებით საგანგებო შეხვედრას გამართავს. საგარეო ურთიერთობათა საკითხებში ევროკავშირის უმაღლესი წარმომადგენლის, ჯოზეფ ბორელის თქმით, პროვინციაში არსებული ვითარება „სერიოზულ საფრთხეს უქმნის საერთაშორისო მშვიდობასა და უსაფრთხოებას“.
როგორც ცნობილია, ევროკავშირის საგარეო საქმეთა მინისტრები მიგრანტებისთვის „კარის გახსნის“ საკითხსაც განიხილავენ.
შაბათს, თურქეთის პრეზიდენტმა, რეჯეფ ტაიფ ერდოღანმა განაცხადა, რომ თურქეთი მიგრანტებს ევროპისკენ „კარს გაუხსნიდა“. თურქული მედიის ინფორმაციით, ათიათასობით ლტოლვილი უკვე ევროკავშირის საზღვებთან იმყოფება.