"თბილსერვის ჯგუფმა“, დედაქალაქის მერის დავალებით, კორონავირუსთან დაკავშირებით, პროფილაქტიკის მიზნით, სადეზინფექციო სამუშაოები ჩაატარა.
როგორც „ინტერპრესნიუსს“ თბილისის მერიიდან აცნობეს, სამუშაოები, კომპანიის მოვლა-პატრონობაში არსებულ 54 მიწისქვეშა გადასასვლელში, ანტისეპტიკური ხსნარებით შესრულდა.
„თბილსერვის ჯგუფის“ ხელმძღვანელის რომეო მიქაუტაძის განცხადებით, საჭიროებისამებრ, მიწისქვეშა გადასასვლელების დეზინფიცირება მომდევნო დღეებშიც განხორციელდება.
ცნობისთვის, კორონავირუსთან დაკავშირებით, დედაქალაქის მერის დავალებით, სპეციალური სადეზინფექციო ხსნარებით მუშავდება მუნიციპალური ტრანსპორტი. დეზინფიცირება ასევე უტარდება თბილისის საჯარო ბაგა-ბაღებს.
იხილეთ ვიდეო: "თბილსერვის ჯგუფმა" მიწისქვეშა გადასასვლელებში სადეზინფექციო სამუშაოები ჩაატარა