ფრაქცია „დამოუკიდებელი დეპუტატების" წევრი ბექა ნაცვლიშვილი უკანასკნელი საცხოვრისიდან საპოლიციო გამოსახლებაზე მორატორიუმის დაწესების ინიციატივით გამოდის. ამის შესახებ მან ჟურნალისტებთან განაცხადა.
„დღეს ბიუროს მივმართავ, რომ გამოსახლებაზე გამოცხადდეს მორატორიუმი მინიმუმ იმ დროის განმავლობაში, სანამ არ მოწესრიგდება კანონმდებლობა. ჩანიშნულია გამოსახლება ახლა 4 რიცხვში, 30 - ში, ასევე გორშია გამოსახლება. აქედან გამომდინარე ეს ადამიანები დაკარგავენ უკანასკნელ საცხოვრისს და რადგან სახელმწიფოს არ გააჩნია სწორი სოციალური პოლიტიკა, ეს არის მიზეზი, რომ ადამიანებს უწევთ ელემენტარული პირობების დასაკმაყოფილებლად საკუთარი საცხოვრისის დაგირავება ან იპოთეკით დატვირთვა. ამიტომ, მე დღეს უნდა შევიდე ბიუროზე და ყველა კომიტეტზე ინიციატივით, რომ მორატოროუმი გამოცხადდეს პოლიციიურ გამოსახლებაზე, რათა ოჯახებმა არ დაკარგონ საბოლოო საცხოვრისი“, - განაცხადა ბექა ნაცვლიშვილმა.