საქართველოში პირბადეების წარმოების სურვილი ორმა კომპანიამ გამოთქვა

საქართველოში პირბადეების წარმოების სურვილი ორმა კომპანიამ გამოთქვა. ამის შესახებ „ინტერპრესნიუსს“ ჯანდაცვის სამინისტროში განუცხადეს.

უწყებაში კომერციული საიდუმლოების მოტივით არ ასახელებენ, კონკრეტულად რომელმა კომპანიებმა გამოთქვეს ქვეყანაში პირბადეების დამზადების სურვილი.

ამასთან, უწყებაში აცხადებენ, რომ აღნიშნულმა კომპანიებმა სამინისტროსგან პირბადეების წარმოების თანხმობა უკვე მიიღეს. ჯანდაცვის უწყების განმარტებით, კომპანიებმა პირბადეების საწარმოებლად აღჭურვის პროცესი უკვე დაიწყეს.

„ჯანდაცვის უწყებიდან მათ აქვთ დავალება მაქსიმალურად სწრაფად მოახდინონ წარმოების დაწყება“, - განაცხადეს ჯანდაცვის უწყების პრესსამსახურში.

აქვე აღსანიშნავია, რომ „ინტერპრესნიუსი“ დაუკავშირდა მსხვილ ფარმაცევტულ კომპანიებს, მათ შორის - „პე-ეს-პე“-ს, „ავერსს“ და „ჯი-პი-სის“, სადაც აცხადებენ, რომ მათ ადგილობრივად პირბადეების წარმოების შესაძლებლობა არ აქვთ.

შეგახსენებთ, რომ საქართველო პირბადეების წარმოებას კორონავირუსთან დაკავშირებული ვირუსის გამო, ბაზარზე შექმნილი დეფიციტის გამო იწყებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით