თემაზე: „სამშენებლო სამართალი და სიცოცხლისთვის უსაფრთხო მშენებლობის უზრუნველყოფა“ კონფერენცია გაიმართა

თბილისის საკრებულოს იურიდიულ საკითხთა და ადამიანის უფლებათა დაცვის კომისიის ინიციატივით თემაზე: „სამშენებლო სამართალი და სიცოცხლისთვის უსაფრთხო მშენებლობის უზრუნველყოფა“ კონფერენცია გაიმართა.

როგორც „ინტერპრესნიუსს“ თბილისის საკრებულოდან აცნობეს, კონფერენცია, რომელშიც მონაწილეობა თბილისის მერიის შესაბამისი სამსახურების, სასამართლოს, ჯანდაცვისა და ინფრასტრუქტურის სამინისტროების, ბიზნესისა და პროფკავშირების წარმომადგენლებმა მიიღეს, შრომის საერთაშორისო ორგანიზაციის ფინანსური მხარდაჭერით, გაიმართა.

მათივე ინფორმაციით, კონფერენციის ფარგლებში, მონაწილეებმა სამშენებლო სამართლის ნორმებისა და სწორი ქალაქგეგმარების შესახებ იმსჯელეს და თეორიულთან ერთად, პრაქტიკული საკითხებიც განიხილეს.

კონფერენცია თბილისის საკრებულოს თავმჯდომარემ გიორგი ტყემალაძემ და იურიდიულ საკითხთა და ადამიანის უფლებათა დაცვის კომისიის თავმჯდომარემ ლევან ჟორჟოლიანმა გახსნეს. გიორგი ტყემალაძემ მსგავსი ტიპის შეხვედრების მნიშვნელობაზე ისაუბრა და შრომის საერთაშორისო ორგანიზაციას მხარდაჭერისთვის მადლობა გადაუხადა.

საკრებულოს თავმჯდომარის თქმით, შრომითი უსაფრთხოება ქვეყნისთვის ერთ-ერთი მთავარი თემაა და ამ მიმართულებით ხელისუფლების მხრიდან არაერთი ნაბიჯი გადაიდგა. რაც შეეხება ქალაქმშენებლობას, როგორც გიორგი ტყემალაძემ განაცხადა, ეს თბილისისთვის ერთ-ერთი მთავარი გამოწვევაა. მისივე თქმით, მსგავსი ტიპის შეხვედრები ძალიან კარგ შედეგს გამოიღებს და ქალაქის სწორ განვითარებას შეუწყობს ხელს.

თბილისის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარემ ლევან ჟორჟოლიანმა ქალაქში მიმდინარე მშენებლობებზე შრომითი უსაფრთხოების ნორმების დაცვის აუცილებლობაზე ისაუბრა და განაცხადა, რომ ეს როგორც კომპანიებისთვის, ასევე დასაქმებულებისთვის ძალიან მნიშვნელოვანია. მისივე თქმით, სამშენებლო სამართალი არის ეკონომიკის ერთ-ერთი ყველაზე მნიშვნელოვანი დარგი, რომელშიც მოსახლეობის ძალიან დიდი ნაწილია დასაქმებული. შესაბამისად, ლევან ჟორჟოლიანის განცხადებით, მნიშვნელოვანია როგორც სწორი ქალაქგეგმარება, ასევე, უსაფრთხო მშენებლობები.

კონფერენცია ,,სამშენებლო სამართალი და სიცოცხლისთვის უსაფრთხო მშენებლობის უზრუნველყოფა" ორი დღის განმავლობაში მიმდინარეობდა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა