გენერალური პროკურორი ირაკლი შოთაძე სახელმწიფო ინსპექტორს ლონდა თოლორაიას შეხვდა

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

გენერალური პროკურატურის ინფორმაციით, შეხვედრას ასევე ესწრებოდნენ გენერალური პროკურატურის სახელმწიფო ინსპექტორის სამსახურში გამოძიების საპროცესო ხელმძღვანელობის დეპარტამენტის უფროსი კოკა კაციტაძე და სახელმწიფო ინსპექტორის მოადგილე გიორგი გამეზარდაშვილი.

ირაკლი შოთაძე სახელმწიფო ინსპექტორის სამსახურის საქმიანობას, სამომავლო გეგმებს და საგამოძიებო მიმართულების შედეგებს გაეცნო. საუბარი შეეხო სამართალდამცავი ორგანოს წარმომადგენლის, მოხელის ან მასთან გათანაბრებული პირის მიერ ჩადენილი ადამიანის უფლებებისა და თავისუფლებების წინააღმდეგ მიმართული სამოხელეო დანაშაულის გამოძიების პროცესში არსებულ გამოწვევებს.

ადამიანის უფლებების დაცვაზე ეფექტური კონტროლის განხორციელების მიზნით, რაც საქართველოს გენერალური პროკურატურის სტრატეგიის უმნიშვნელოვანესი ნაწილია, მხარეები შეთანხმდნენ თანამშრომლობის გაძლიერებასა და გამომძიებლებისა და პროკურორების კვალიფიკაციის ასამაღლებად ერთობლივი ტრენინგების ჩატარებაზე.

შეხვედრის მონაწილეებმა ასევე აღნიშნეს, რომ საჯარო მოხელეთა მიერ ჩადენილი დანაშაულის გამოძიების, სისხლისსამართლებრივი დევნისა და სახელმწიფო ბრალდების განხორციელების პროცესს საზოგადოების მაქსიმალური ინფორმირებულობით, ღიად და გამჭვირვალედ წარმართავენ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება