ის იდეები, რომელიც იქნა განხილული არაფორმალურ შეხვედრებზე ,,ერთიანი ნაციონალური მოძრაობისთვის” და ოპოზიციისთვის მთლიანად მიუღებელია. რაც შეეხება ჩვენს იდეებს, რამდენადაც ვიცი, განხილვას არ აპირებენ, - ამის შესახებ ,,ნაციონალური მოძრაობის” ლიდერმა გრიგოლ ვაშაძემ განაცხადა.

ვაშაძის თქმით, მათი მხრიდან ოფიციალური შეთავაზება მხოლოდ მაშინ მოხდება, როდესაც ხელისუფლების წარმომადგენლები ბრიფინგზე თავიანთი შეთავაზების ყველა დეტალს გააჟღერებენ.

„ის იდეები, რომელიც იქნა განხილული არაფორმალურ შეხვედრაზე „ერთიანი ნაციონალური მოძრაობისთვის“ და ოპოზიციისთვის მთლიანად მიუღებელი. რაც შეეხება ჩვენს იდეებს, რამდენადაც ვიცი განხილვას არ აპირებენ, ჩვენი მხრიდან ოფიციალური შეთავაზება მოხდება მხოლოდ მაშინ, როდესაც ხელისუფლების წარმომადგენლები ბრიფინგზე ყველა დეტალს გააჟღერებენ თუ რა არის მათ შეთავაზებაში. ამის შემდეგ ოფიციალურად გავცემთ პასუხს და ვიტყვით რა არის ჩვენი იდეები და როგორ უნდა მოხდეს კომპრომისი. ოპოზიციის მხრიდან მოთხოვნები რჩება ზუსტად იგივე: მაქსიმალურად პროპორციული, ან პროპორციულთან დაახლოებული არჩევნები, პოლიტპატიმრების უპირობო განთავისუფლება და იმ წარმოებული საქმეების შეწყვეტა, რომლებიც როგორც საზოგადოების, ასევე ოპოზიციის თვალში არის პოლიტიკური დევნა”, - განაცხადა გრიგოლ ვაშაძემ.