ე.წ. კანონიერი ქურდის, „ლავას ოღლის“ ადვოკატი აცხადებს, რომ საქართველოს და თურქეთის წინააღმდეგ სტრასბურგის სასამართლოს მიმართავენ

ე.წ. კანონიერი ქურდის, მინდია გორაძის („ლავას ოღლის“) ადვოკატის გელა ნიკოლაიშვილის განცხადებით, დაკავებულის ადვოკატები აპირებენ სტრასბურგის ადამიანის უფლებათა სასამართლოში საჩივრის შეტანას როგორც საქართველოს, ასევე თურქეთის წინააღმდეგ.

როგორც უფლებადამცველმა ჟურნალისტებს განუცხადა, 28 თებერვალს მინდია გორაძის საქართველოში ექსტრადიცია უნდა მომხდარიყო, თუმცა ის ისევ თურქეთის საპატიმროში დატოვეს.

„მინდია გორაძის დაპატიმრების ვადა თურქეთში იყო 28 თებერვლამდე, ამის შემდეგ ის უნდა გადმოეცათ საქართველოსთვის და უნდა მომხდარიყო მისი ექსტრადიცია. ეს ადამიანი თურქეთში, ერთ წელიწადზე მეტია იმყოფება პატიმრობაში და თურქეთის ხელისუფლებას მასთან არანაირი პრობლემა არ აქვს. ერთადერთი მიზეზი, რისთვისაც ის პატიმრობაში იმყოფება, ეს არის საქართველოში მის მიმართ გამოტანილი გამამტყუნებელი განაჩენი. 28 თებერვალს ჩემი დაცვის ქვეშ მყოფი განათავსეს სადეპორტო განყოფილებაში და ელოდებოდნენ, რომ საქართველოს ხელისუფლება წამოიყვანდა მას საქართველოში. 29 თებერვალს ჩაატარეს სასამართლო. მისი თურქი ადვოკატის დაუსწრებლად მიიღეს გადაწყვეტილება დაპატიმრების შესახებ და მოათავსეს ისევ ციხეში. ჩვენ ამას თურქ კოლეგებთან ერთად სამართლებრივ შეფასებას მივცემთ და ვაპირებთ სტრასბურგის ადამიანის უფლებათა დაცვის სასამართლოში ვუჩივლოთ როგორც თურქეთის სახელმწიფოს, ასევე საქართველოს იმის გამო, რომ მისი როგორც საქართველოს მოქალაქის უფლებები არის უხეშად დარღვეული და შელახული. ის საპატიმროში მოათავსეს იმის გამო, რომ სადეპორტოში გადაყვანის შემდეგ საქართველოს ხელისუფლებამ დროულად არ წამოიყვანა. თურქეთის კანონმდებლობა მათ საშუალებას აძლევს ასე უვადოდ ჰყავდეთ პატიმრობაში საესტრადიციო პირი“, - განაცხადა გელა ნიკოლაიშვილმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)