სირიელი მიგრანტი, რომელიც თურქეთიდან საბერძნეთში მოხვედრას ცდილობდა, მიღებული დაზიანებების შედეგად გარდაიცვალა. ამის შესახებ ინფორმაცია „როიტერს“ თურქეთის უსაფრთხოების სამსახურიდან ორმა წყარომ დაუდასტურა.
შეგახსენებთ, რომ თურქეთ - საბერძნეთის საზღვარზე ვითარება მას შემდეგ გამწვავდა, რაც თურქეთმა სირიელ ლტოლვილებს ევროპისკენ გასასვლელი გაუხსნა.
დაახლოებით 10 000 მიგრანტი შეეცადა სახმელეთო საზღვრის გადაკვეთას, რის გამოც, ბერძენმა მესაზღვრეებმა მათ წინააღმდეგ ცრემლსადენი გაზი გამოიყენეს.