ირაკლი კობახიძე - ორი დეპუტატი პარტიიდან გარიცხვას რამდენჯერმე მყავს გადარჩენილი

საპარლამენტო უმრავლესობის ერთ-ერთი ლიდერი, პარტია "ქართული ოცნება - დემოკრატიული საქართველოს" აღმასრულებელი მდივანი ირაკლი კობახიძე აცხადებს, რომ მან „პარტიიდან გარიცხვას ორი დეპუტატი რამდენჯერმე გადაარჩინა".

აღნიშნულზე ირაკლი კობახიძემ "პალიტრანიუსის" გადაცემაში "პოლიტ-ქალაქი" ისაუბრა.

გადაცემის წამყვანმა ირაკლი კობახიძეს ოთხი დეპუტატის გვარი - დავით ჭიჭინაძე, რომან კაკულია, ნუკრი ქანთარია, ლევან კობერიძე დაუსახელა და ჰკითხა, ადასტურებს თუ არა, რომ ის რამდენიმე თვის წინ პარტიის თავმჯდომარე ბიძინა ივანიშვილს შეხვდა და მათი პარტიიდან გარიცხვა სთხოვა, რაც ირაკლი კობახიძემ უარყო.

"ერთი რამ შემიძლია გითხრათ, ამ ოთხი გვარიდან, რაც თქვენ ჩამოთვალეთ, ( გვარებით ვერ ვიტყვი) ამ ოთხიდან, ორი რამდენჯერმე მყავს გადარჩენილი გარიცხვას, იმიტომ, რომ სხვადასხვა ლიდერი, ძველი თუ მოქმედი, თუ როგორც არის, ითხოვდა კონკრეტული დეპუტატების გარიცხვას სხვადასხვა დროს და ორზე მაქვს საუბარი, რამდენჯერმე მყავს გადარჩენილი გარიცხვას", - განაცხადა კობახიძემ.

რაც შეეხება გასარიცხთა "შავ სიას", ირაკლი კობახიძის თქმით, მსგავსი სია არავისთვის მიუწოდებია.

"ასეთი პრაქტიკა არ გვქონია ჩვენ, რომ სია წარგვედგინოს პარტიის თავმჯდომარისთვის, ისეთი ადამიანების, რომლებიც პარტიიდან უნდა გარიცხულიყვნენ - ასეთი რამ არ მომხდარა. უფრო მეტსაც გეტყვით, ჩემი პოზიცია იყო ხოლმე მაქსიმალურად ზომიერი და მიმართული იქითკენ , რომ სანქციები თავიდან აგვერიდებინა, სადაც ეს შესაძლებელი იყო", - აღნიშნა კობახიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება