რომან გოცირიძე - ახლა უნდათ, რომ წინასწარ, ოპოზიციისთვის მიუღებელი ვარიანტი შესთავაზონ საზოგადოებას და შემდეგ თითი გაიშვირონ ოპოზიციისკენ, თითქოს მათ გამო ჩაიშალა მოლაპარაკებები

შემოთავაზებული მექანიზმი არ არის პროპორციულთან დაახლოებული, სხვადასხვა მანიპულაციები აქვთ ჩადებული ამ შემოთავაზებაში, - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ ჟურნალისტებთან ხელისუფლების მიერ ოპოზიციისთვის შეთავაზებულ წინადადებასთან დაკავშირებით განაცხადა.

მისივე თქმით, ხელისუფლება შეგნებულად სთავაზობს ოპოზიციას ისეთ წინადადებას, რომელსაც ოპოზიცია არ გაიზიარებს. დეპუტატი ვარაუდობს, რომ ამით ხელისუფლებას დროის მოგება სურს, რათა კონსტიტუციური ცვლილებებისთვის დადგენილი ვადა ამოიწუროს.

„ხელისუფლება კვლავ აგრძელებს ამომრჩევლის მოტყუებას. იგივენაირად მოქმედებს, როგორც მოქმედებდა აქამდე. ახლაც უნდათ, რომ წინასწარ ოპოზიციისთვის მიუღებელი ვარიანტი შესთავაზონ საზოგადოებას და შემდეგ თითი გაიშვირონ ოპოზიციისკენ, თითქოსდა მოლაპარაკებები ჩაიშალა ოპოზიციის გამო. წინასწარ შეგნებულად გვთავაზობენ მიუღებელ წინადადებას. მიუღებელია ეს წინადადება, რადგან ოპოზიცია ითხოვდა პროპორციულ საარჩევნო სისტემაზე გადასვლას და კომპრომისი იყო პროპორციულთან მიახლოებული საარჩევნო სისტემის ფორმირება. არ არის ეს პროპორციულთან იოტისოდენად ახლოც კი. შეგნებულად მიდიან ამაზე, რათა ამოიწუროს კონსტიტუციური ვადები ცვლილებებისთვის და შემდეგ განაცხადონ, რომ ისინი რაღაცას გვთავაზობდნენ და ოპოზიციას არ უნდოდა. შეგნებულად გვთავაზობენ ისეთ წინადადებას, რომელიც უარყოფილი იქნება ოპოზიციის მიერ, რომ შემდეგ თავი იმართლონ საერთაშორისო პარტნიორებთან და საკუთარ ამომრჩეველთან, რომ რაღაც შემოგვთავაზეს. 110/40 არის მიუღებელი. არ არის შემოთავაზებული მექანიზმი პროპორციულთან დაახლოებული, თანაც არის უამრავი სხვა დეტალი - გვთავაზობენ ოლქების ისე დაჩეხვას, რომელიც იქნება ხელისუფლებისთვის მისაღები, სხვადასხვა მანიპულაციები აქვთ ჩადებული ამ შემოთავაზებაში. იციან წინასწარ, რომ არ დავეთანხმებით. მოლაპარაკება გაგრძელდება და ველოდებით ადეკვატურ და გონივრულ შემოთავაზებას,“- განაცხადა რომან გოცირიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება