არანაირი რესურსი იმისა, რომ საარჩევნო სისტემაში საკონსტიტუციო ცვლილებები განხორციელდეს აღარ არსებობს, ამის უნარი ამ ხელისუფლებას არ აქვს, - ამის შესახებ პარტია „გამარჯვებული საქართველოს“ ერთ-ერთმა ლიდერმა კოტე კემულარიამ განაცხადა.
კოტე კემულარიას თქმით, აქვთ ინფორმაცია ინფორმაცია, რომ უმრავლესობის ბოლო შეხვედრაზე „იყო აყალ-მაყალი და წამოხტომა, მათ შორის მაჟორიტარების მხრიდან.”
„ხელისუფლებას, რომელსაც ხელთ უპყრია ძალაუფლება არ აქვს უნარი და მოკლებულია ყველა შესაძლებლობას რაიმე გადაწყვეტილება მიიღოს. რაც შეეხება ჩამკეტს, ჩამკეტი შეიძლება ჰქონდეს ონკანს, კანონს ჩამკეტი არ შეიძლება ჰქონდეს, ეს ყველაფერი არის სიბრიყვე. ვინ ენდობა მათ, რომელთაც გადააგდეს ყველა, რომ აქ რაღაც ჩამკეტ მექანიზმზე ველაპარაკოთ. რასაც ისინი სთავაზობდნენ ოპოზიციას ინდივიდუალური შეხვედრების შემდეგ, ეს ყველაფერი ისევ ,,ბლეფი” აღმოჩნდა და არანაირი რესურსი იმისა, რომ საკონსტიტუციო ცვლილებები განხორციელდეს, აღარ არსებობს, ამის უნარი ამ ხელისუფლებას არ აქვს,” - განაცხადა კოტე კემულარიამ.