საგარეო საქმეთა სამინისტროს საკონსულო დეპარტამენტის მოქალაქეთა მისაღებში სადეზინფექციო სამუშაოები ჩატარდა

საქართველოს საგარეო საქმეთა სამინისტროს საკონსულო დეპარტამენტის მოქალაქეთა მიღების ცენტრში, ასევე სამინისტროს სამოქალაქო მისაღებსა და სხვა ადგილებში კორონავირუსის (CODIV-19) გავრცელების პრევენციული ღონისძიებების ფარგლებში სადეზინფექციო სამუშაოები ჩატარდა.

როგორც „ინტერპრესნიუსს“ უწყებიდან აცნობეს, შენობის განსაზღვრული არეალები, მათ შორის სამგზავრო ლიფტები, კიბეები, მოქალაქეთა მისაღებ სივრცეებში კარებები, კედლები და ოთახებში განთავსებული ნივთების ზედაპირები სპეციალური სადეზინფექციო ხსნარით დამუშავდა.

„საგარეო საქმეთა სამინისტროს საკონსულო დეპარტამენტის მოქალაქეთა მისაღები ცენტრი ასევე აღჭურვილია სადეზინფექციო ხსნარით, ოპერატორები მოქალაქეებს და ვიზიტორებს ემსახურებიან სპეციალური პირბადეებით და სამუშაო ხელთათმანებით.

პირველადი სადეზინფექციო და დამცავი ჰიგიენური საშუალებებით აღჭურვილია საქართველოს საკონსულო დაწესებულებები საზღვარგარეთ.

საქართველოს საგარეო საქმეთა სამინისტრო საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციის შესაბამისად სადეზინფექციო სამუშაოებს მოქალაქეთა მომსახურების ცენტრებში ყოველ დღე განახორციელებს“, - აღნიშნულია სამინისტროს ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს