გრიგოლ ვაშაძე მმართველი გუნდზე - ვიდრე დეტალებში დავიწყებთ საუბარს, კეთილი ინებონ და საზოგადოებას დეტალურად მოუყვნენ თავიანთი წინადადების შესახებ

თუ რაღაცის გაკეთებას აპირებენ, ძალიან მარტივი რამ აქვთ გასაკეთებელი, გამოვიდნენ, ჩვენთან ერთად მოუყვნენ საზოგადოებას თავიანთი წინადადებები და ჩვენ 100%-იან არგუმენტაციას მოგიტანთ თუ რატომ არ შეიძლება ამაზე ლაპარაკი, - ამის შესახებ „ნაციონალური მოძრაობის” ლიდერმა გრიგოლ ვაშაძემ განაცხადა.

ვაშაძის ინფორმაციით, ოპოზიცია შეთანხმდა, რომ მმართველი გუნდის მიერ შეთავაზებული იდეები არის მიუღებელი.

„მომლაპარაკებლებმა მოვუყევით ყველაფერი, რაც მოსაყოლი იყო არაფორმალურ განხილვებზე, მათ შორის იმ იდეების კომპლექსზე, რომლითაც ხელისუფლება შემოდიოდა ამ არაფორმალურ კონსულტაციაში და რასაც ჩვენ ვპასუხობდით ამ კონსულტაციების დროს. მოლაპარაკების მაგიდის მონაწილეები შეთანხმდენ, რომ ეს იდეები არის მიუღებელი, მაგრამ სანამ დეტალებში დავიწყებთ საუბარს, კეთილი ინებონ, მეორე ბრიფინგიც გააკეთონ და საზოგადოებას დეტალურად მოუყვნენ თავიანთი წინადადება. სანამ ეს არ იქნება, არაფერი არ არის შეთავაზებული. ყველა ლაპარაკს თან უნდა ერთვოდეს იმის ახსნა-განმარტება, რას აპირებენ პოლიტპატიმრებთან დაკავშირებით. ბოლოს და ბოლოს თუ რაღაცის გაკეთებას აპირებენ, ძალიან მარტივი რამ აქვთ გასაკეთებელი, გამოვიდნენ, ჩვენთან ერთად მოუყვნენ საზოგადოებას თავიანთი წინადადებები და ჩვენ 100%-იან არგუმენტაციას მოგიყვანთ თუ რატომ არ შეიძლება ამაზე ლაპარაკი,“ - განაცხადა გრიგოლ ვაშაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს