ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში სადეზინფექციო სამუშაოები ჩატარდა. საფუძვლიანად დამუშავდა მოქალაქეთა მისაღები. ამის შესახებ „ინტერპრესნიუსს“ უწყებიდან აცნობეს.

მათი ინფორმაციით, სადეზინფექციო სამუშაოები კორონავირუსის გავრცელების პრევენციის მიზნით განხორციელდა. მათივე ცნობით, სპეციალური ხსნარით სამინისტროს დერეფნების, კიბეების, კარების, ლიფტებისა და მოქალაქეთა მისაღების დამუშავება ყოველდღიურად მოხდება.