გიორგი ვაშაძის განცხადებით, თეა წულუკიანმა 80 ადამიანი სამსახურიდან გაათავისუფლა და სურს მათ ადგილას პარტაქტივი და ნათესავები დაასაქმოს

პარტია „ახალი საქართველოს" თავმჯდომარის, გიორგი ვაშაძის განცხადებით, იუსტიციის სახლიდან გათავისუფლებული თანამშრომლების ადგილებზე, იუსტიციის მინისტრ თეა წულუკიანს სურს საკუთარი პარტაქტივის წარმომადგენლები და ნათესავები დაასაქმოს, „რათა შემდეგ არჩევნებისთვის მათი გამოყენება შეძლონ“. ამის შესახებ გიორგი ვაშაძემ პრესკონფერენციაზე განაცხადა.

ვაშაძის თქმით, თანამშრომლები, რომელიც იუსტიციის მინისტრმა დაითხოვა, თავისი საქმის პროფესიონალები არიან და მათი განთავისუფლება საგანგაშო გადაწყვეტილებაა.

„იუსტიციის მინისტრმა, თეა წუკუკიანმა იუსტიციიის სახლიდან და სამოქალაქო რეესტრის სისტემიდან, სამსახურიდან დაითხოვა 80-მდე ადამიანი და კიდევ 50 ადამიანი დააქვეითა. ეს არის ძალიან საგანგაშო გადაწყვეტილება, რაც მან მიიღო. მე მინდა საზოგადოებას ვუთხრა ვინ არიან ის ადამიანები ვინც მან დაითხოვა ან დააქვეითა სამსახურში. ესენი არიან ადამიანები, რომელთა უმრავლესობამაც ჩაიბარა გაუბედურებული საპასპორტო სისტემა და მიიყვანა ის მოქალაქეზე ორიენტირებულ სისტემამდე. ერთი საათი არ ეძინა ამ ადამიანებს, რომ მოქალაქეებს გამართული სერვისი და მომსახურება მიეღო და დღეს ეს ადამიანები გაყარეს ქუჩაში ისე, თითქოს არც არაფერი გაუკეთებიათ.

ქვეყანა, რომელიც პროფესიონალებს არ აფასებს, ვერასდროს მიაღწევს წარმატებას. ამ ადამიანებმა გაატარეს ბიომეტრული პასპორტების რეფორმები, ID ბარათების რეფორმები, ამ ადამიანებმა გამოცვალეს საბჭოთა პასპორტები, რომელიც 2005 წელს 60%-ზე მეტ მოსახლეობას ქონდა. ამ ადამიანებმა დაგვავიწყეს „მკვდარი სულები", რომელიც საარჩევნო სიაში იყო. ამ ადამიანების ცოდნაში ძალიან დიდი ინვესტიცია ჩაიდო სახელმწიფოს მხრიდან და დღეს ხელისუფლებამ ერთი ხელის მოსმით გაუშვა ეს ხალხი სამსახურიდან. ეს არის უსამართლო და ოქტომბერში აუცილებლად დაუბრუნდებიან საკუთარ საჯარო სამსახურს, რადგან მათ გარეშე ჩვენ ამ ქვეყანას ვერ ავაშენებთ.

მივმართავ წულუკიანს, თქვენ გინდათ, რომ თქვენი პარტაქტივი დაასაქმოთ ამ ადგილებზე, თქვენ გინდათ, რომ თქვენი ნათესავ-მეგობრები დაასაქმოთ ამ ადგილებზე, რომ არჩევნებისთვის რამენაირად გამოიყენოთ", - განაცხადა გიორგი ვაშაძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება