ველოდებით „ვანოს შოუსთვის“ მასალას, - ამის შესახებ ჟურნალისტებთან ფრაქცია „ნაციონალური მოძრაობის" თავმჯდომარე რომან გოცირიძემ ჟურნალისტებთან განაცხადა, რითაც 4 აპრილს პარლამენტში დაგეგმილ პრეზიდენტის გამოსვლას გამოეხმაურა.
როგორც რომან გოცირიძე ამბობს, პრეზიდენტმა საკუთარ გამოსვლაში შეიძლება ისეთი განცხადებებიც გააკეთოს, რომელიც ქვეყანას დააზიანებს.
მისივე თქმით, ოპოზიცია კვლავ ბოიკოტის რეჟიმში რჩება.
„არ ვაპირებთ ბოიკოტის მდგომარეობიდან გამოსვლას პრეზიდენტის მოხსენების გამო, იგნორორება არის ყველაზე კარგი შეფასება მისი ამ ერთწლიანი უკიდურესად წარუმატებელი საქმიანობის. ამავე დროს გაორებული გრძნობით შევხედავთ მის გამოსვლას, ერთია ის მუდმივი საფრთხეები, რომელიც მის გამოსვლას მოსდევს ხოლმე, მეორე, უფრო მსუბუქი, რომელიც ყოველთვის სხვადასხვა შოუებში აისახება ხოლმე მისი გამონათქვამების სახით. ერთი მხრივ, ველოდებით „ვანოს შოუსთვის“ მასალას და მეორე მხრივ, ველოდებით შიშით, ვაითუ ისეთი განცხადება შეიძლება გააკეთოს, რომელმაც რაიმე ზიანი შეიძლება მიაყენოს ქვეყანას“, - განაცხადა რომან გოცირიძემ.