რომან გოცირიძე - უაზრო 40%-იანი ჩამკეტი არავინ იცის რა არის, მეც არ ვიცი და რომ მოვინდომო ვერ აგიხსნით, მორიგი ჩხირკედელაობაა

უაზრო 40%-იანი ჩამკეტი არის მორიგი ჩხირკედელაობა. პირდაპირ უნდა ითქვას, რას გვთავაზობენ და შემდეგ ჩვენ ვიტყვით, არის თუ არა ეს ის კომპრომისი, რომელზეც შეიძლება ოპოზიცია წავიდეს,- ამის შესახებ ფრაქცია „ნაციონალური მოძრაობის" თავმჯდომარემ რომან გოცირიძემ ჟურნალისტებთან განაცხადა. მისივე თქმით, ხელისუფლება ოპოზიციას განგებ სთავაზობს მიუღებელ წინადადებებს, რათა ცვლილებებისთვის დარჩენილი კონსტიტუციური ვადები ამოიწუროს.

“ხელისუფლება რომ თვალთმაქცობს, ეს ძალიან კარგად ჩანს. ამას ხედავენ ასევე ჩვენი საერთაშორისო პარტნიორები და დღეს ამერიკელი კონგრესმენისგან გაკეთებული განცხადებაც ამის დამადასტურებელია. ამის შემდეგ შეიძლება იყოს საუბარი მხოლოდ და მხოლოდ სანქციებზე. ქვეყანა მიტაცებულია ერთი ადამიანის მიერ და მას არ უნდა ჩაატაროს ქვეყანაში სამართლიანი და დემოკრატიული არჩევნები. შეგნებულად გვთავაზობენ უაზრო წინადადებებს, 110/40-ზე, 100/50- ზე, ეს არის მიმართული ერთი მიზნისკენ, რაც შეიძლება მაქსიმალურად გაწელონ დრო, რომ ამოიწუროს კონსტიტუციური ვადები და შემდეგ შეეცადონ ყველაფრის ოპოზიციისთვის გადაბრალებას. ყველა ხედავს როგორც შიგნით, ისე გარეთ, რომ არ უნდათ მათ იმ ბერკეტების და მექანიზმების დათმობა, რომელიც საარჩევნო კანონმდებლობაშია. ვერავითარი მანიპულაცია "ქართული ოცნებას" ვერ გადაარჩენს. უაზრო 40 პროცენტიანი ჩამკეტი და რაღაცები არავინ იცის რა არის, მეც არ ვიცი და რომ მოვინდომო ვერ აგიხსნით, არის რაღაც მორიგი ჩხირკედელაობა. უნდა თქვან პირდაპირ რას გვთავაზობენ და არის თუ არა შემოთავაზება პროპორციულთან მიახლოებული და ჩვენ ვიტყვით შემდეგ არის თუ არა ეს ის კომპრომისი, რომელზეც შეიძლება წავიდეს ოპოზიცია,"- განაცხადა რომან გოცირიძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა