ჩინეთში ირანიდან, იტალიიდან და სამხრეთ კორეიდან ჩასულ პირებს 14 დღით კარნატინში მოათავსებენ. ინფორმაციას BBC ავრცელებს. გამოცემის ცნობით, ჩინეთში ამ ზომას მიიღებენ იქ ქვეყნებთან მიმართებაში, სადაც კორონავირუსი ყველაზე მეტადაა გავრცელებულია.
ამასთანავე, ჩინეთის ხელისუფლება საზღვარგარეთ მცხოვრებ ჩინეთის მოქალაქეებს მოუწოდებს ქვეყანაში შესვლისგან თავი დროებით შეიკავონ.
შეგახსენებთ, ბოლო 24 საათის განმავლობაში მსოფლიოში კორონავირუსით დაღუპულთა რიცხვი 3 119-მდე გაიზარდა. ჩინეთში ვირუსით დაინფიცირების 125 ახალი შემთხვევა დაფიქსირდა, 38 პაციენტი კი გარდაიცვალა. გარდაცვალების თითოეული შემთხვევა ჰუბეის პროვინციაში დაფიქსირდა. ჩინეთის ფარგლებს გარეთ კორონავირუსი 76 ქვეყანაშია დადასტურებული. ვირუსის პირველი შემთხვევები გამოვლინდა უკრაინაში, ლატვიაში, პორტუგალიაში, იორდანიაში, საუდის არაბეთსა და სენეგალში.