არჩილ თალაკვაძე ნიკოლ ფაშინიანს შეხვდა

საქართველოს პარლამენტის თავმჯდომარე არჩილ თალაკვაძე სომხეთის პრემიერ- მინისტრ ნიკოლ ფაშინიანს შეხვდა.

შეხვედრა, რომელზეც ორმხრივი ურთიერთობები და კორონავირუსთან დაკავშირებული საფრთხეები განიხილეს, დაახლოებით 40 წუთს გრძელდებოდა.

"სომხეთის მხარდაჭერა, მეგობრული ურთიერთობები ჩვენი ქვეყნისთვის, ძალიან მნიშვნელოვანია. დღევანდელ შეხვედრაზე დავუდასტურეთ ერთმანეთს მზადყოფნა ამ თანამშრომლობის მომავალშიც გაგრძელებაზე. ჩვენს ქვეყნებს და მოქალაქეებს შორის არის ძალიან აქტიური ურთიერთობები. იზრდება ტურიზმი, ეკონომიკური აქტივობა და პოლიტიკურ ლიდერებს შეგვიძლია მომავალში კიდევ უფრო მეტის გაკეთება ამ მიმართულებით.

ვისაუბრეთ ასევე, კორონავირუსთან დაკავშირებით ჩვენს ქვეყნებს შორის არსებულ კოორდინაციაზე, რაზეც პრემიერ-მინისტრმა გამოთქვა კმაყოფილება ამ თანამშრომლობის დონის და მისი ინტენსივობის გამო. ვფიქრობ, პრობლემები, რომელიც არის რეგიონში, საჭიროებს ნამდვილად კარგ პოლიტიკურ კოორდინაციას და ამისთვის ყველა წინაპირობა არსებობს," - განაცხადა არჩილ თალაკვაძემ.

საქართველოს სომხეთის პრემიერ-მინისტრი ნიკოლ ფაშინიანი დღეს ეწვია. სომხეთის პრემიერს თბილისის საერთაშორისო აეროპორტში საქართველოს საგარეო საქმეთა მინისტრი დახვდა.

ვიზიტის ფარგლებში ნიკოლ ფაშინიანი საქართველოს პრეზიდენტს, პრემიერ-მინისტრს და პარლამენტის თავმჯდომარეს შეხვდა.

სომხეთის პრემიერ-მინისტრის ვიზიტი 4 მარტს დასრულდება.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება