არჩილ თალაკვაძე - ოპოზიციის ნაწილს არ ესმის, რომ მათი მოვალეობა არა განზე დგომა და გაბუტვა, არამედ პროცესში მონაწილეობაა

თუ ოპოზიციას დღემდე სჯერა, რომ სხდომების გაცდენით უფრო კარგად მონაწილეობენ პოლიტიკურ პროცესში, სამწუხაროა, მაგრამ ეს მათი არჩევანია, - ასე ეხმიანება პარლამენტის თავმჯდომარე არჩილ თალაკვაძე ჟურნალისტებთან ოპოზიციის გადაწყვეტილებას, რომლის თანახმად ისინი ბოიკოტს განაგრძობენ და ხვალ პრეზიდენტის გამოსვლას პარლამენტში არ დაესწრებიან.

მისივე თქმით, პრეზიდენტის ანგარიშის წარდგენა პარლამენტში მნიშვნელოვანი პოლიტიკური მოვლენაა.

„ხვალ საქართველოს პარლამენტში თავის ანგარიშს წარადგენს პრეზიდენტი. ეს არის მნიშვნელოვანი პოლიტიკური მოვლენა, ჩვენ მზად ვართ მოვისმინოთ პრეზიდენტის ანგარიში და ვისაუბროთ ყველა იმ მნიშვნელოვან თემაზე, რაც ჩვენი ქვეყნის განვითარების დღის წესრიგში დგას. ეს არის შესაძლებლობა პოლიტიკური პარტიებისთვის ყოველთვის და რეგლამენტშიც ასეა, რომ თავისი პოზიციები გამოხატოს და დასვას კითხვები, რომელიც მისთვის საინტერესოა. რა თქმა უნდა, მოველით, რომ ეს იქნება საინტერესო განხილვა. პრეზიდენტის მოხსენება როგორც წესი ეხება ხოლმე ყველაზე მნიშვნელოვან თემებს ქვეყნის განვითარების დღის წესრიგში“, - განაცხადა არჩილ თალაკვაძემ.

მისივე თქმით, ოპოზიციის ნაწილს არ ესმის, რომ მათი მოვალეობა არა განზე დგომა და გაბუტვა, არამედ პროცესში მონაწილეობაა.

„რაც შეეხება ოპოზიციის ბოიკოტს, ისინი დიდი ხანია არიან ბოიკოტის რეჟიმში, მათ სცადეს პარლამენტის დაკეტვა ბოქლომებით. სამწუხაროდ, არ ესმის ოპოზიციის ამ ნაწილს, რომ მათი მოვალეობა და საზოგადოების დაკვეთა მათ მიმართ არის არა განზე დგომა და გაბუტვა, არამედ არის მონაწილეობა პროცესში. თუ მათ დღემდე სჯერათ, რომ სხდომების გაცდენით უფრო კარგად მონაწილეობენ პოლიტიკურ პროცესში, სამწუხაროა, მაგრამ ეს მათი არჩევანია“, - განაცხადა არჩილ თალაკვაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა