ამირან გამყრელიძე - საკარანტინო ზონებში 150-მდე ადამიანი იმყოფება, საავადმყოფოებში კი კორონავირუსის სიმპტომებით 41 პაციენტია მოთავსებული

კორონავირუსით ინფიცირებული სამი ადამიანის ჯანმრთელობის მდგომარეობა დამაკმაყოფილებელია, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებს განუცხადა.

მისი თქმით, ინფიცირებულთაგან სიმპტომები მხოლოდ ერთს აღენიშნება.

„თებერვლის დასაწყისიდან ჩვენთან დაფიქსირებული იყო 217 შესაძლო შემთხვევა, რომელიც იყო და არის დაკვირვების ფაზაში. აქედან ფიქსირდება მხოლოდ 3 დადებითი შემთხვევა. ამ ბოლო ორი დღის განმავლობაში ახალი შემთხვევა აღარ დაფიქსირებულა კორონავირუსული ინფექციით. სამი ავადმყოფი, რომელიც მოთავსებულებია ცენტრალური ინფექციური საავადმყოფოს ბოქსირებულ განყოფილებაში, თავს გრძნობს კარგად, მხოლოდ ერთთანაა მცირე სიმპტომები, მაგრამ სამივე ავადმყოფის ზოგადი კლინიკური მდგომარეობა გახლავთ დამაკმაყოფილებელი“, - განაცხადა გამყრელიძემ.

მისი ინფორმაციით, საკარანტინო ზონებში დაკვირვების ქვეშ 150-მდე ადამიანია, ხოლო კორონავირუსის კლინიკური სიმპტომებით ამჟამად საავადმყოფოებში სულ 41 პაციენტია მოთავსებული.

„კარანტინში დღევანდელი დღით დაკვირვების ქვეშ იმყოფება 150-მდე ადამიანი. როგორც მოგეხსენებათ, ისინი განთავსებული არიან სხვადასხვა საკარანტინო სივრცეებში. ეს გახლავთ აბასთუმანი, საჩხერე, ტუბერკულოზის ცენტრის ბავშვთა განყოფილება, ვივა-მედი, ასევე მოგეხსენებთ უკვე იღებს საკარანტინოდ და ასევე შესაძლებელია გარკვეულად მონიტორინგიც, გორის სამხედრო ჰოსპტალი და ასევე, ცენტრალური რესპუბლიკური საავადმყოფო თბილისში. შესაძლო ნიშნებით, კლინიკური სიმპტომებით, ცენტრალურ ინფექციურ საავადმყოფოში 29 პაციენტია მოთავსებული, 5 არის სეფსისის ცენტრში და 7 ქუთაისის ინფექციურ საავადმყოფოებში, სადაც ინფექციური პროფილის ორი საავადმყოფოა“,- განაცხადა გამყრელიძემ.

ამასთან, ამირან გამყრელიძის თქმით, არის პროგნოზი, რომ ტემპერატურის მომატებასთან ერთად, ვირუსის ინტენსივობამ იკლოს. თუმცა, გამყრელიძის განცხადებით, კორონავირუსის აღნიშნული ქვეტიპი და შტამი არის ახალი, რომლის "ქცევის ფორმატი" მეცნიერებმა ჯერ კარგად არ იციან.

"მითი არ გახლავთ, რადგან ეს არის რესპირაციული ვირუსი და ზოგადად რესპირაციული ვირუსებისთვის დამახასიათებელია სეზონურობა და არის ამის პროგნოზი, რომ ტემპერატურის მომატებასთან ერთად, შეიძლება, ინტენსივობამ ამ ვირუსისა და კორონავირუსული ინფექციის იკლოს, თუმცა კიდევ ერთხელ ხაზს ვუსვამ, ვირუსის ეს ქვეტიპი და ეს შტამი გახლავთ ახალი, რომლის ისტორიაც გახლავთ მხოლოდ ორი თვე. ჯერ არ იციან მეცნიერებმა კარგად ამ ვირუსის ქცევის ფორმატი. აქედან გამომდინარე, ჩვენ ყველაფრისთვის მზად უნდა ვიყოთ, დიდი ალბათობით, ვირულენტობა ამ ვირუსის თანდათან შემცირდება",-განაცხადა გამყრელიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება