ამირან გამყრელიძე - ჩინეთში ეპიდსიტუაცია სერიოზულად უმჯობესდება, პრობლემა კვლავ სერიოზული  რჩება

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, დღეისთვის გლობალურად ახალი კორონავირუსის 92 000- მდე შემთხვევაა დადასტურებული, აქედან 80 000 შემთხვევა ჩინეთში ფიქსირდება.

როგორც ამირან გამყრელიძემ განმარტა, ჩინეთში, ბოლო ათი დღის განმავლობაში ახალი შემთხვევების დინამიური შემცირება აღინიშნება.

„შეგვიძლია ვთქვათ, რომ ჩინეთში ეპიდსიტუაცია სერიოზულად უმჯობესდება. თუმცა, რა თქმა უნდა, პრობლემა კვლავ სერიოზული რჩება. ჩვენ, დღეს დილით ცენტრალური ინფექციური საავადმყოფოდან ჩინეთთან პირდაპირი ტელეკონფერენცია გვქონდა, რომელიც ჩინეთის ჯანმრთელობის სამინისტრომ საელჩოების მეშვეობით მოაწყო. მასში ჩართული იყო რამდენიმე ქვეყანა, მათ შორის, საქართველოც. ჩინეთის მეცნიერების მიერ, ძალიან საინტერესო, ორი პრეზენტაცია გაკეთდა. ერთი ეხებოდა ეპიდსიტუაციას და მათ მიერ გატარებულ ღონისძიებებს და მეორე - მკურნალობის კლინიკურ საკითხებს. ჩვენს მიერაც ბევრი შეკითხვა დაისვა და ამ შეკითხვებს პასუხები გაეცა. შევთანხმდით, რომ ამ ტიპის კონფერენციები ჩინეთთან გაგრძელდება. მოგეხსენებათ, ორი თვის განმავლობაში ჩინეთს კორონავირუსული ინფექციის მართვის უზარმაზარი გამოცდილება დაუგროვდა. რა თქმა უნდა, ჩვენ ეს გამოცდილება უნდა გავითვალისწინოთ“, - განაცხადა გამყრელიძემ.

შეგახსენებთ, საქართველოში ახალი კორონავირუსის სამი შემთხვევაა დაფიქსირებული. სამივე მათგანი საქართველოს მოქალაქეები არიან. ისინი ამ დრომდე თბილისის ინფექციურ საავადმყოფოში, ბოქსირებულ განყოფილებაში იმყოფებიან.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო