მსოფლიოში კორონავირუსით დაღუპულთა რიცხვი 3 202-მდე გაიზარდა, დაინფიცირებულთა რაოდენობა 93 158, გამოჯანმრთელებულთა კი - 50 949-ია.

ჩინეთის შემდეგ, ყველაზე მეტი შემთხვევა სამხრეთ კორეაშია დაფიქსირებული, სადაც ვირუსით 5 300 ადამიანია დაინფიცირებული, დაღუპულთა რაოდენობა კი - 32-ია.

ჩინეთის ფარგლებს გარეთ ყველაზე მეტი ფატალური შემთხვევა იტალიაშია დადასტურებული. ქვეყანაში ვირუსს 79 ადამიანის სიცოცხლე ემსხვერპლა.

77 ადამიანია დაღუპული ირანში, დაინფიცირებულთა რაოდენობა კი 2 300-ია.

აშშ-ში კორონავირუსით დაღუპულთა რიცხვი 9-მდე, დაინფიცირებულების კი - 120-მდე გაიზარდა.

კორონავირუსით პირველი პაციენტი დაიღუპა ესპანეთში.

აღსანიშნავია, რომ ვირუსის გავრცელების ტემპმა საგრძნობლად იკლო ჩინეთში, სადაც ბოლო 24 საათის განმავლობაში 124 ახალი შემთხვევა გამოვლინდა, რაც ქვეყანაში ყველაზე დაბალი მაჩვენებელია 20 იანვრის შემდეგ.