დემოკრატიული პარტიის პრაიმერიზის წინასწარი შედეგებით, ჯო ბაიდენმა აშშ-ის 8 შტატში გაიმარჯვა
დემოკრატიული პარტიის პრაიმერიზის წინასწარი შედეგებით, ჯო ბაიდენმა აშშ-ის 8 შტატში გაიმარჯვა. ინფორმაციას BBC ავრცელებს.
გამოცემის მიხედვით, აშშ-ის ყოფილი ვიცე-პრეზიდენტი მასაჩუსეტსის, მინესოტას, ოკლაჰომას, ალაბამას, არკანზასის, ტენესის, ჩრდილოეთ კაროლინისა და ვირჯინიის შტატებში ლიდერობს.
წინასწარი შედეგების მიხედვით, იუტას, კალიფორნიის, ვერმონტისა და კოლორადოს შტატებში ბერნი სანდერსი იმარჯვებს.
შეგახსენებთ, რომ 3 მარტს, პრაიმერიზი აშშ-ის 14 შტატში გაიმართა.
