გია ჟორჟოლიანი - „სოციალ-დემოკრატები“ ვაპირებთ შევწყვიტოთ დისკუსია საარჩევნო სისტემის თაობაზე და გადავიდეთ აქტიურ საარჩევნო კამპანიაზე

„სოციალ–დემოკრატები“ ვაპირებთ შევწყვიტოთ დისკუსია საარჩევნო სისტემის თაობაზე და გადავიდეთ აქტიურ საარჩევნო კამპანიაზე, რომლის მიზანია მოსახლეობას გავაცნოთ ჩვენი პოლიტიკური პლატფორმა და ხედვები ქვეყნის განვითარებასთან დაკავშირებით, - ამის შესახებ ჟურნალისტებთან გია ჟორჟოლიანმა განაცხადა.

მისივე თქმით, დიალოგის პროცესში ფართო კონსენსუსის მიუღწევლობის პირობებშიც კი, პარტია ,,ქართული ოცნების“ მიერ შემოთავაზებული ვარიანტი, რომელიც 40 %- იან ჩამკეტს, 110/40 , 1% ბარიერს ითვალისწინებს, გააუმჯობესებს არჩევნებში ჩართული სუბიექტებისთვის საარჩევნო გარემოს.

„17 თებერვალს, ჩვენს მიერ შემოთავაზებული იყო ინიციატივა მმართველი პარტიის მისამართით, განეახლებინა საარჩევნო სისტემის უფრო მეტი პროპორციულობის პრინციპის მიღწევის საკითხზე დიალოგის რეჟიმი დეპუტატების იმ ნაწილთან, რომლებიც არ მიეკუთვნებიან ,,ნაციონალურ მოძრაობას“ და ,,ევროპულ საქართველოს“. მათი რესურსის საფუძველზე შესაძლებელია მიღწეულ იქნას ის საკონსტიტუციო ცვლილება, რომელიც საარჩევნო სისტემას გააუმჯობესებს. მიგვაჩნია, რომ დეპუტატების ამ ნაწილს აქვს მნიშვნელოვანი პასუხისმგებლობა - შეასრულონ ისტორიული როლი, რათა მათი პრინციპული გადაწყვეტილების საფუძველზე, გაუმჯობესებული საარჩევნო სისტემით ჩატარებული არჩევნების შედეგად შეიცვალოს პოლიტიკურ სარბიელზე დღემდე არსებული ორპოლუსიანობა ,,ოცნებას“ და ,, ნაციონალურ მოძრაობასა“ და მასთან ასოცირებულ ოპოზიციას შორის. ამასთან, საკონსტიტუციო ცვლილებების განხოციელებისათვის განსაზღვრული ვადების ფაქტორის გათვალისწინებით , ,,ოცნებამ“ უნდა მოახდინოს ინიცირება არაუგვიანეს 9 მარტისა. დიალოგის პროცესში ფართო კონსენსუსის მიუღწევლობის პირობებშიც კი, პარტია ,,ქართული ოცნების“ მიერ შემოთავაზებული ვარიანტი (40 % ზღვარი; 110/40 ; 1% ბარიერი), გააუმჯობესებს არჩევნებში ჩართული სუბიექტებისთვის საარჩევნო გარემოს.

ამასთან, საარჩევნო სისტემის პროცესში ჩართულმა ყველა პოლიტიკურმა სუბიექტმა უნდა გაითვალისწინოს დიალოგის პროცესით მიღწეული შედეგის მნიშვნელობა როგორც ჩვენი ქვეყნის სტაბილური, ასევე, ჩვენს საერთაშორისო პარტნიორებთან ნდობაზე დაფუძნებული ურთიერთობების განვითარებისთვის.

მნიშვნელოვანია ითქვას, რომ საარჩევნო სისტემის ცვლილება არ ნიშნავს პოლიტიკის ცვლილებას. სამწუხარო რეალობაა, რომ თანამედროვე ქართულ პოლიტიკაში უფრო მნიშვნელოვანია შეკითხვა –როგორ გავხდე მთავრობა?, ვიდრე შეკითხვა რისთვის უნდა გავხდე მთავრობა?

აქედან გამომდინარე, „სოციალ–დემოკრატები“ ვაპირებთ შევწყვიტოთ დისკუსია საარჩევნო სისტემის თაობაზე და გადავიდეთ აქტიურ საარჩევნო კამპანიაზე, რომლის მიზანია მოსახლეობას გავაცნოთ ჩვენი პოლიტიკური პლატფორმა და ხედვები ქვეყნის განვითარებასთან დაკავშირებით,"- განაცხადა გია ჟორჟოლიანმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა