აკაკი ზოიძის განცხადებით, თუ სხვა რესპირატორული ვირუსების მსგავსად წარიმართა პროცესი, თბილი ამინდების დადგომასთან ერთად, ახალი კორონავირუსის გავრცელების საფრთხე დაიკლებს

პარლამენტის ჯანდაცვის კომიტეტის ყოფილი თავმჯდომარის აკაკი ზოიძის განცხადებით, თუ სხვა რესპირატორული ვირუსების მსგავსად წარიმართა პროცესი, თბილი ამინდების დადგომასთან ერთად, ახალი კორონავირუსის გავრცელების საფრთხე დაიკლებს.

როგორც ზოიძემ კორონავირუსის გავრცელების საფრთხეებთან დაკავშირებით პრესკონფენეციაზე განაცხადა, პანიკის საფუძველი არ არსებობს.

“საფრთხე არის ის, რომ ეს არის ახალი ვირუსი და შემდგომი მუტაცია არ განიცადოს, რომ უფრო საშიში არ იყოს ადამიანებისთვის. დღეს მაღალი რისკის ქვეშ არიან ხანდაზმულები, რომელთაც ქრონიკული დაავადებები აქვთ და რომ არ მოხდეს რისკის გაზრდა, როგორც მოსახლეობის გარკვეული ჯგუფების მიმართ, ასევე ჯგუფების გაფართოება, ვისაც შეიძლება ეს ვირუსი აზიანებდეს. ჯერჯერობით, ეს არ მოხდა და ეს იმედის მომცემია. თუ ისე წავიდა სიტუაცია, როგორც სხვა კორონავირუსებისა და რესპირატორული ვირუსების შემთხვევაში, უნდა ველოდოთ, რომ თბილი ამინდების დადგომასთან ერთად, გავრცელების საფრთხე მნიშვნელოვნად დაიკლებს“, - განაცხადა ზოიძემ.

მისივე შეფასებით, გარდა ჯანდაცვის სფეროს დაწესებულებებისა, კორონავირუსით ინფიცირების პირველივე შემთხვევის გამოვლენამდე სხვა უწყებებიც უნდა ყოფილიყვნენ ვირუსზე რეაგირების პროცესში ჩართულნი.

“მხოლოდ სამი შემთხვევაა დადასტურებული, თვითონ ეს ფაქტი მეტყველებს, რომ ინფექციის ეპიდაფეთქების შეკავებისთვის გატარდა ღონისძიებები, როგორც კი დაფიქსირდა შემთხვევები. ნელი ტემპით ხდება გავრცელება. კვირაზე მეტია, რაც დაფიქსირდა პირველი შემთხვევა. ჩვენთან ჯერჯერობით შიდა გადაცემის ფაქტი, ქვეყნის შიგნით, საზოგადოებაში, ერთი მოქალაქიდან მეორეზე გადაცემის, დადასტურებული არაა.

ჩემი აზრით, გარკვეული უწყებების ჩართვა ამ პროცესში დაგვიანდა, თუმცა სჯობს გვიან, ვიდრე არასდროს და დღეს ვხედავთ, რომ ყველა ეს უწყება ჩართული, შეიქმნა მუნიციპალური შტაბები.

საკმაოდ დროული გადაწყვეტილება იქნა მიღებული, რომ არდადეგები გახანგრძლივდა და დაიწყო შედარებით ადრე, რომ თავიდან ავიცილოთ გავრცელება.

ჩემი აზრით, დაავადებათა კონტროლისა და ჯანდაცვის დაწესებილებების გარდა, შესაბამისი უწყებების ჩართულობა შეიძლებოდა. შეიძლება ეს იყო გაკეთებული უყებათშორისი კომისიის ფარგლებში, მაგრამ მოსახლეობისთვის ინფორმაცია არ იყო მიწოდებული, რამდენად ადრე ჩაერთნენ. ვიდრე მოხდება პირველი შემთხვევა, ყველა უწყება უნდა იყოს ჩართული რეაგირებასა და ესკალაციაში.

ვისურვებდი მეტ კომუნიკაციას არა მარტო დაავადებათა კონტროლის ცენტრიდან, რომელიც საკმარის ინფორმაციას გვაწვდის, არამედ სხვა უწყებიდან იმ ზომებთან დაკავშირებით, რომელიც ეხება მაგალითად, ეკონომიკას, რამდენად ნეგატიური ზეგავლენა შეიძლება ჰქონდეს”,- განაცხადა ზოიძემ.

ცნობისთვის, საქართველოში ამ დრომდე კორონავირუსით 3 ადამიანია დაინფიცირებული.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება