რომან გოცირიძე - მაინტერესებს, გაბედავს თუ არა სალომე ზურაბიშვილი, რომ ახსენოს სიტყვა რუსეთი, თუ სადღაც ბოლოში მორცხვად იტყვის, ჩვენი ჩრდილოელი მეზობელიო

მაინტერესებს, ქალბატონი სალომე პუტინს ახსენებს თუ არა - ვერ ახსენებს, ვერც ერთ მწვავე საკითხს ვერ დააყენებს, ვინაიდან მისი თავისუფლება შემოფარგლულია ივანიშვილის მიერ მიცემული უფლებებით, - ამის შესახებ ფრაქცია „ნაციონალური მოძრაობის" თავმჯდომარემ, რომან გოცირიძემ პარლამენტში დღეს დაგეგმილ პრეზიდენტის მოხსენებასთან დაკავშირებით, ჟურნალისტებთან განაცხადა.

მისივე თქმით, სალომე ზურაბიშვილი დავალებებს ბიძინა ივანიშვილისგან იღებს.

„ბოიკოტი ყველაზე ზუსტად გამოხატავს ჩვენსა და ამომრჩევლის დამოკიდებულებას პრეზიდენტისადმი, ვინაიდან ის არ არის პრეზიდენტი, ის ასრულებს მხოლოდ ბიძინა ივანიშვილის დავალებებს.

ჩვენ ვაქცევთ ზურგს ადამიანს, რომელიც არის ფორმალური ფიგურა საქართველოს სახელისუფლებო იერარქიაში, რადგან პრეზიდენტი, მთავრობა და სასამართლო დღეს მიტაცებულია ერთი ადამიანის მიერ და მის მიერ ნათქვამ სიტყვას არავითარი ფასი არ აქვს. მე ერთი რამ მაინტერესებს, გაბედავს თუ არა, რომ ახსენოს სიტყვა რუსეთი, თუ სადღაც ბოლოში მორცხვად იტყვის ჩვენი ჩრდილოელი მეზობელი. ასე უყვართ ხოლმე თქმა, თუკი რაიმე აიძულებთ, რომ რუსეთი კრიტიკულად ახსენონ.

წინასაარჩევნოდ რუსეთის კრიტიკაზე უფლება აიღეს თავად რუსეთისგან. ახლა მოვისმინეთ ძალიან გასაკვირი განცხადება, პარლამენტის თავმჯდომარემ ბრძანა, რომ რუსეთმა საქართველოზე განახორციელა თავხედური კიბერთავდასხმა. სადღაც ინტერვიუ მიუცია, გასაკვირია, 8 წელი გავიდა და ივანიშვილს პუტინი არ უხსენებია. ერთადერთხელ ახსენა, როცა ბრძანა, რომ არ სჯერა, რომ პუტინს სხვა ქვეყნების დაპყრობა უნდა და სამი თვის მერე პუტინმა დაპყრო ყირიმი - საქართველოს დაპყრობა კი არ უნდოდა შემოეპყრო, უჩხიკინებდნენ. ნოდარ დუმბაძე თუ გახსოვთ, „თეთრ ბაირაღებში“, ქართველებს ძალიან უცნაური გამონათქვამი გვაქვსო, შემომეჭამა, შემომეფლანგა, შემომაკვდა, შემომეუპატიურა, არ მინდოდა, მაგრამ მაიძულაო - არ უნდოდა ამ პუტინს ოკუპაცია, მაგრამ ვიღაცებმა აიძულეს.

მაინტერესებს, ქალბატონი სალომე პუტინს ახსენებს თუ არა. ვერ ახსენებს, ვერც ერთ მწვავე საკითხს ვერ დააყენებს, ვინაიდან მისი თავისუფლება შემოფარგლულია ივანიშვილის მიერ მიცემული უფლებებით“, - განაცხადა რომან გოცირიძემ.

მისივე თქმით, რეალურად პრეზიდენტს ბევრ მწვავე კითხვაზე აქვს პასუხი გასაცემი.

„მან უნდა გასცეს პასუხი ყველა იმ ქმედებებზე, მათ შორის, დანაშაულებრივ ქმედებებზე, რომლის წინააღმდეგაც საქმე არის აღძრული. იგივე შეწყალებასთან დაკავშირებით. ასევე, აპირებს თუ არა ის დეკანოზ მამალაძის შეწყალებას, აპირებს თუ არა გაბედოს და გიგი უგულავა და სხვა პოლიტპატიმრები გაათავისუფლოს უკანონო პატიმრობიდან. თუმცა, ეს იქმება ფუჭი შეკითხვა, ვინაიდან, ის ამას ვერ წყვეტს,"- განაცხადა რომან გოცირიძემ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა