გიგლა მიქაუტაძე - კორონავირუსი უკვალოდ ვერ ჩაივლის საქართველოს ეკონომიკისთვის

კორონავირუსი უკვალოდ ვერ ჩაივლის საქართველოს ეკონომიკისთვის, - ამის შესახებ პოლიტიკური გაერთიანება „ლელო საქართველოსთვის" ერთ-ერთმა ლიდერმა გიგლა მიქაუტაძემ განაცხადა.

მიქაუტაძე ხელისუფლებას დროული და ქმედითი ნაბიჯებისკენ მოუწოდებს.

„სამწუხაროდ, კორონავირუსი უკვალოდ ვერ ჩაივლის საქართველოს ეკონომიკისთვის, განსაკუთრებით კი, ტურიზმის სექტორისთვის. უკვე ვრცელდება ინფორმაცია გაუქმებული ჯავშნების მაღალ რიცხვზე და ტურისტების კლებაზე, რასაც ქვეყანა, შესაბამისად, უნდა შეხვდეს მომზადებული. მოსალოდნელია, რომ რთულ ფინანსურ ვითარებაში აღმოჩნდება სასტუმროების დიდი ნაწილი და ისინი დამდგარ ფორსმაჟორულ სიტუაციაში თანადგომას საჭიროებენ. ამიტომ სასწრაფოდ უნდა შემუშავდეს მთავრობისა და კერძო სექტორის ერთობლივი ანტიკრიზისული გეგმა, რისთვისაც მთავრობამ უნდა გადადგას შემდეგი ნაბიჯები:

სასწრაფოდ უნდა გაიმართოს შეხვედრა ტურიზმის სექტორულ ასოციაციებთან და გაანალიზდეს მოსალოდნელი სირთულეები. ასევე, უნდა შეიქმნას საფინანსო ორგანიზაციებისა და მთავრობის ერთობლივი სამუშაო ჯგუფი, რომელიც შეაფასებს დარგში შესაძლო ფინანსური პრობლემების მასშტაბს;

მთავრობამ უნდა შექმნას სპეციალური სტაბილურობის ფონდი და საბანკო სექტორთან აწარმოოს მოლაპარაკება სესხების რესტრუქტურიზაციის თაობაზე;

ტურიზმის სექტორში, კრიზისის გადალახვამდე, უნდა ამოქმედდეს საგადასახადო შეღავათები.

იმედი გვაქვს, რომ სიტუაცია ზაფხულისთვის გაუმჯობესდება. მანამდე კი საჭიროა ქვეყნის შიგნით ყველა რესურსის მობილიზება, ვითარებიდან მაქსიმალურად უმტკივნეულოდ გამოსვლის მიზნით“, - განაცხადა გიგლა მიქაუტაძემ.

აღნიშნულ კომენტარს „ლელო-საქართველოსთვის“ ავრცელებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება