„ლობიო პრეზიდენტის სიტყვაზე მეტად ფასობს”, - ამ სახელწოდებით პარლამენტის შენობასთან სხვადასხვა სამოქალაქო მოძრაობის წევრები აქციას მართავენ.
აქციის მონაწილეებს სახეზე აფარებული აქვთ „ქართული ოცნების” ლიდერების: გიორგი გახარიას, კახა კალაძის, მამუკა მდინარაძის, გია ვოლსკის, ირაკლი კობახიძის და საქართველოს პრეზიდენტის სალომე ზურაბიშვილის ფოტოები. ამასთან, აქციის მონაწილეებს თან აქვთ პლაკატები წარწერებით: “ნუ შეიწყალებ პოლიციელის მკვლელს!”, „პრეზიდენტი არც გვყავს და არც გვეყოლება” და ასევე პრეზიდენტის მიერ სხვადასხვა დროს ნათქვამი ფრაზები.
აქციის მონაწილეებმა ადგილზე მიიტანეს მუსიკალური ინსტრუმენტი, რომელზეც უკრავენ მელოდიას ფრანგული ფილმიდან „სათამაშო“ და ამ ფორმით ისინი აცხადებენ, რომ სალომე ზურაბიშვილი არის ბიძინა ივანიშვილის „სათამაშო."