ირანის უმაღლესმა ლიდერმა აიათოლა ალი ხამენეიმ ჟურნალისტებს ინტერვიუ საკუთარ რეზიდენციაში ხეების დარგვის ფონზე მისცა. მან ქვეყანაში კორონავირუსის გავრცელებაზე ისაუბრა და განაცხადა, რომ სხვა ქვეყნებში უფრო რთული ვითარებაა, თუმცა ამას მალავენ.

„ზოგიერთ ქვეყანაში კორონავირუსი უფრო დიდი მასშტაბებით გავრცელდა, თუმცა ისინი ამას მალავენ. ირანი კი პირიქით, არაფერს მალავს და მსოფლიოს სიმართლეს ეუბნება ქვეყანაში არსებული ვითარების შესახებ. მე არ ვამბობს, რომ პრობლემა უმნიშვნელოა, თუმცა მისი მასშტაბები არ უნდა გაზვიადდეს“,-განაცხადა ხამენეიმ.

ცნობისთვის, დღეს ირანის ინდუსტრიის, მაღაროების და ვაჭრობის მინისტრს კორონავირუსი დაუდგინდა. გუშინ, თეირანში განაცხადეს, რომ კორონავირუსი საკანონმდებლო ორგანოს 23 დეპუტატს აღმოაჩნდა.

კორონავირუსით ირანში ორი მაღალჩინოსანიც დაიღუპა. ვირუსით არიან ინფიცირებული ქვეყნის ჯანდაცვის მინისტრის მოადგილე და ვიცე-პრეზიდენტიც.