უფლისციხის მუზეუმი ვიზიტორების მომსახურებას არ შეწყვეტს

უწყებათაშორისი საკოორდინაციო საბჭოს სხდომაზე მუზეუმების ფუნქციონირებასთან დაკავშირებით მიღებული ახალი რეკომენდაციები ღია სივრცეში განთავსებულ უფლისციხის მუზეუმს არ შეეხება.

„ჩვენი მუზეუმი კვლავ აგრძელებს ტურისტული კომპანიებისა და ვიზიტორების მომსახურებას. უფლისციხის ანტიკური ქალაქი 9 ჰა ღია ფართობზე მდებარეობს, მთლიანობაში, მუზეუმის დაცვითი ზონა 200 ჰა-ს მოიცავს და ესეც ღია სივრცეა, შესაბამისად, ვირუსული ინფექციის გავრცელების რისკი ნაკლებია. რაც შეეხება იმ ადგილებს, რომელთანაც ვიზიტორებს ხელით შეხება უწევთ - ეს იქნება სალარო და მისი მიმდებარე ტერიტორია თუ დასასვენებელი ადგილი, უზრუნველყოფილი ვართ სადეზინფექციო საშუალებებით და ინტენსიურად ხდება ამ ადგილების სანიტარული დამუშავება“, - განაცხადა უფლისციხის მუზეუმ-ნაკრძალის დირექტორმა ბადრი გასპაროვმა.

გორის მუნიციპალიტეტის ტერიტორიაზე მდებარე ანტიკური პერიოდის ციხე-ქალაქი ყოველწლიურად რამდენიმე ასეულ ათას ვიზიტორს მასპინძლობს. გასული წლის სტატისტიკით, უფლისციხე 350 000-მა ტურისტმა დაათვალიერა.

კორონავირუსის შესაძლო გავრცელების პრევენიის მიზნით, უწყებათაშორისი საკოორდინაციო საბჭოს სხდომაზე მიღებული ახალი რეკომენდაციების საფუძველზე, გორში, სტალინის სახელმწიფო მუზეუმმა ტურისტების მიღება შეწყვიტა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით