დარწმუნებული ვარ, როდესაც იქნება ახალი კოალიციური მთავრობა და როცა იქნება პარლამენტი, რომელიც რეალურად ხალხის წარმომადგენლებით იქნება დაკომპლექტებული, მას მოუწევთ სალომე ზურაბიშვილის იმპიჩმენტზე მსჯელობა”,- ამის შესახებ “ერთიანი ნაციონალური მოძრაობის” წევრმა თინა ბოკუჩავამ ჟურნალისტებს პრეზიდენტის პარლამენტში გამოსვლის შეფასებისას განუცხადა. ბოკუჩავას თქმით, სალომე ზურაბიშვილის ბუტაფორიული როლი აქვს სახელმწიფო გადაწყვეტილებების პროცესში.
„ძალიან მიჭირს იმ ადამიანის მიმართ ლაპარაკი, რომელსაც საპრეზიდენტო სკამი ბიძინა ივანიშვილმა უყიდა და რომელსაც იმდენად ბუტაფორიული როლი აქვს სახელმწიფო გადაწყვეტილებების პროცესში, რომ ოპოზიციამ ღირსადაც კი არ ჩათვალა, რომ რაიმე საპროტესტო მოქმედებები დაგვეგეგმა მაშინ, როდესაც ის მივიდა პარლამენტში. დარწმუნებული ვარ, როდესაც იქნება ახალი კოალიციური მთავრობა და როცა იქნება პარლამენტი, რომელიც რეალურად ხალხის წარმომადგენლებით იქნება დაკომპლექტებული, მათ მოუწევთ სალომე ზურაბიშვილის იმპიჩმენტზე მსჯელობა და ეს დასრულდება პრეზიდენტის იმპიჩმენტით და ისეთი პრეზიდენტის არჩევით, რომელიც რეალურად დაინახავს ხალხის პრობლემებსაც, სასამართლოში არსებულ პრობლემებსაც და დადებით როლს ითამაშებს ქვეყნის პოლიტიკურ ცხოვრებაში, ნაცვლად იმ ბუტაფორიული ფიგურისა, რომელიც დღეს გვყავს ე.წ პრეზიდენტად”,- განაცხადა ბოკუჩავამ.
ცნობისთვის, ამ წუთებში პარლამენტში პრეზიდენტ სალომე ზურაბიშვილის გამოსვლა მიმდინარეობს.