ბადრი ჯაფარიძე - მართლმსაჯულება არის უმძიმეს მდგომარეობაში, ახლა კმაყოფილების საფუძველი არ არსებობს

მიმაჩნია, რომ მართლმსაჯულება არის უმძიმეს მდგომარეობაში, ახლა კმაყოფილების არანაირი საფუძველი არ არსებობს, - ამის შესახებ პოლიტიკური გაერთიანება „ლელო - საქართველოსთვის” ერთ-ერთმა დამფუძნებელმა, ბადრი ჯაფარიძემ განაცხადა, რითაც პრეზიდენტ სალომე ზურაბიშვილის პარლამენტში წლიური ანგარიშით გამოსვლა შეაფასა.

მისივე თქმით, ხელისუფლების მხრიდან არ ყოფილა რეალური მცდელობა, რომ სასამართლოსა და პროკურატურის გარდაქმნა მომხდარიყო.

„მიმაჩნია, რომ სასამართლო და ზოგადად, მართლმსაჯულება არის უმძიმეს მდგომარეობაში. სახეზეა პოლიტიკური დევნა, პრაქტიკულად მართლმსაჯულების პოლიტიკური მიზნებისთვის გამოყენება და ეს უნდა შევცვალოთ, ასე რომ, ახლა კმაყოფილების არანაირი საფუძველი არ არსებობს. ჩვენ ვერ ვნახეთ ის, რომ იყო რეალური მცდელობა, გარდაქმნილიყო სასამართლო და პროკურატურა. ჩვენ ეს ვერ დავინახეთ. ამიტომ ახალი ხელისუფლების ამოცანა იქნება, რომ ეს შევცვალოთ და ადამიანებს დავუბრუნოთ განცდა, რომ კანონის უზენაესობა უნდა იქნეს დაცული და ყველა ადამიანი თანასწორი უნდა იყოს კანონის წინაშე“, - განაცხადა ჯაფარიძემ.

ცნობისთვის, პარლამენტში დღეს სიტყვით გამოსვლისას ზურაბიშვილმა განაცხადა, რომ „უმადურობასა და თვითგვემაში ჩაკარგულები ვერ ვაფასებთ, თუ რამდენ წარმატებას მიაღწია საქართველომ ბოლო ათწლეულების განმავლობაში”.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო