„ევროპული საქართველოს“ ერთ-ერთი ლიდერი დავით ბაქრაძე პარლამენტში საქართველოს პრეზიდენტის სალომე ზურაბიშვილის ყოველწლიურ მოხსენებას ეხმაურება.
ბაქრაძის თქმით, სალომე ზურაბიშვილი არ წარმოადგენს ღირებულ პოლიტიკურ ფიგურას და არის „უბრალოდ „ქართული ოცნების“ პოლიტიკური დანამატი.“
„მისი ერთი წლის საქმეებიდან საზოგადოებას ახსოვს ლავროვის მოწვევა საქართველოში, ახსოვს დავით გარეჯის პრობლემის შექმნა და ირანული ანტიკვარული მამლების შეძენა. ამ ფონზე რაზე ისაუბრა მან პარლამენტში, არის სრულიად მეათეხარისხოვანი მითუმეტეს, იმის გათვალისწინებით, რომ ქალბატონი ზურაბიშვილი არ წარმოადგენს ღირებულ პოლიტიკურ ფიგურას და არის უბრალოდ „ქართული ოცნების“ პოლიტიკური დანამატი. აქედან გამომდინარე, გადავწყვიტეთ, რომ არ მიგვეღო მონაწილეობა და არ ვყოფილიყავით საპარლამენტო დარბაზში,“ - განაცხადა დავით ბაქრაძემ.