კორონავირუსის გავრცელების საწინააღმდეგოდ კომპანია „თბილისი ენერჯიმ“ უსაფრთხოების ზომები მიიღო

კორონავირუსის გავრცელების საწინააღმდეგოდ კომპანია „თბილისი ენერჯიმ“ უსაფრთხოების ზომები მიიღო.

როგორც კომპანიის მიერ გავრცელებულ ინფორმაციაშია აღნიშნული, საქართველოს ჯანდაცვის სამინისტროს, დაავადებათა კონტროლის ცენტრისა და მსოფლიო ჯანდაცვის ორგანიზაციის რჩევების გათვალისწინებით კომპანია „თბილისი ენერჯის“ ყველა ბიზნეს ცენტრი და ოფისი უზრუნველყოფილია და აღჭურვილია ვირუსის გავრცელების პრევენციისთვის საჭირო ატრიბუტებით, რომლით სარგებლობაც შეუძლიათ, როგორც აბონენტებს ასევე კომპანიის თანამშრომლებს. მათივე ინფორმაციით, კომპანიის ყველა ბიზნეს ცენტრი უკვე აღჭურვილია ხელის სადეზინფექციო დისპანსერებით. ყველა ცენტრი მომარაგებულია საჭირო რაოდენობის პირბადეებითა და ე.წ ბახილებით.

„ბიზნეს ცენტრების გარდა პირბადეებისა და ბახილების საჭირო რაოდენობა დაურიგდა სწრაფი რეაგირების სამსახურის თანამშრომლებს, ამთვლელებსა და ზეინკლებს - ყველას, ვისაც რაიმე სახით შეხება აქვს აბონენტებთან. პრევენციული ღონისძიებების ფარგლებში კომპანიის ყველა ოფისში სადეზინფექციო სამუშაოები ჩატარდა. აქვე შეგახსენებთ, რომ „თბილისი ენერჯის“ მომსახურების მიღება შეგიძლიათ სახლიდან გაუსვლელად, დისტანციურად. გაცნობებთ, რომ ცხელი ხაზი - 2 40 40 04 და სწრაფი რეაგირების სამსახური - 114 ამ პერიოდის განმავლობაში საგანგებო რეჟიმში იმუშავებს. შესაბამისად, მომსახურების მისაღებად არ დაგჭირდებათ მომსახურების ცენტრებში მისვლა გარდა აუცილებელი ან განსაკუთრებული შემთხვევებისა. კომპანია თბილისი ენერჯი ჯანმრთელობას გისურვებთ“,- აცხადებენ კომპანიაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით