ირანის პრეზიდენტმა, ჰასან როუჰანიმ ამერიკის შეერთებული შტატები ყალბ თანაგრძნობაში დაადანაშაულა და მოუწოდა ირანს სანქციები მოუხსნას. ამის შესახებ ქვეყნის ლიდერმა მთავრობის სხდომის დროს განაცხადა.
„ისინი თანაგრძნობის ყალბი ნიღბით ამბობენ, რომ სურთ ირანელ ხალხს დაეხმარონ. თუ მართლაც სიმართლეს ამბობთ, მაშინ მოხსენით სანქციები წამლებზე“,-აღნიშნა როუჰანიმ.
მისივე თქმით, კორონავირუსმა ირანის ყველა პროვინცია მოიცვა და აღნიშნა, რომ ეს გლობალური დაავადებაა.
ცნობისთვის, ირანის ჯანდაცვის სამინისტროს ბოლო ინფორმაციით, ქვეყანაში COVID-19-ით 92 ადამიანი დაიღუპა, ხოლო ინფიცირებულთა რაოდენობამ 2900-ს გადააჭარბა.