მარინა ეზუგბაია - კორონავირუსით ინფიცირებული სამი პაციენტის მდგომარეობა სტაბილურია

ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, კორონავირუსის მქონე სამ პაციენტს განმეორებითი ტესტირების შედეგად ვირუსის არსებობა კვლავ დაუდასტურდა. მისივე განმარტებით, განმეორებითი კვლევების ჩატარება კორონავირუსის მქონე პაციენტების შემთხვევაში გაგრძელდება.

„ჩვენი სამი დადასტურებული შემთხვევის მდგომარეობა სტაბილურია. დღეს დილიდან საღამომდე მათი მდგომარეობა არ შეცვლილა.

მათთვის მეორე ჯერზე ჩატარებულ ტესტირებაზე ჯერჯერობით პასუხი დადებითია.

ეტაპობრივად ტარდება განმეორებითი ტესტირება, ეს პაციენტები სხვადასხვა დროს არიან შემოსულები, ამიტომ მათ სხვადასხვა პერიოდში უწევთ განმეორებითი ტესტირების გავლა. დღეს განმეორებით ორ პაციენტს ჩაუტარდა და კვლავ დადებითია, 2 დღის წინ ჩაუტარდა პირველ პაციენტს, მასთანაც დადებითი იყო. ასე გაგრძელდება შესაბამისი კრიტერიუმებით გათვლილი დღეების მიხედვით განმეორებითი ტესტირებები“ , - განაცხადა მარინა ეზუგბაიამ.

შეგახსნებთ, რომ საქართველოში ახალი კორონავირუსის პირველი შემთხვევა 2020 წლის 26 თებერვალს დაფიქსირდა. ვირუსი დაუდგინდა საქართველოს მოქალაქეს, რომელიც შემოვიდა აზერბაიჯანის გავლით ირანიდან. კორონავირუსის მეორე შემთხვევა ქვეყანაში 28 თებერვალს დაფიქსირდა. ვირუსი იტალიიდან ჩამოსულ მოქალაქეს დაუდგინდა. კორონავირუსის მესამე შემთხვევა კი 29 თებერვალს დაფიქსირდა, ვირუსი დაუდგინა საქართველოს მოქალაქეს, რომელიც ირანში იმყოფებოდა.

სამივე პაციენტი ამ დრომდე თბილისის ინფექციურ საავადმყოფოში, ბოქსირებულ განყოფილებაში იმყოფება.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა