იტალიაში დღეიდან ყველა სკოლა და უნივერსიტეტი იხურება, - ამის შესახებ ინფორმაციას „ბიბისი“ ავრცელებს.

გამოცემის ცნობით, კორონავირუსის გავრცელების შესაჩერებლად სასწავლო პროცესი 10 დღის განმავლობაში შეწყდება.

გარდა ამისა, პროფესიონალი სპორტული თამაშები, მაშ შორის იტალიის სერია A, ერთი თვის განმავლობაში დახურულ კარს მიღმა გაიმართება.

ბოლო მონაცემებით, იტალიაში კორონავირუსს 107 ადამიანის სიცოცხლე ემსხვერპლა, დადასტურებული შემთხვევების რაოდენობა კი 3 000-ს აღწევს.

COVID-19-ის შემთხვევები 80-ზე მეტ ქვეყანაშია დაფიქსირებული. მსოფლიოში კორონავირუსით გარდაცვლილთა რაოდენობა 3 200-ს, დაინფიცირებულთა კი - 95 000-ს აჭარბებს.

იხილეთ ვიდეო: იტალიაში კორონავირუსის გამო, ყველა სკოლა და უნივერსიტეტი იხურება