აშშ-ის შტატ კალიფორნიაში, კორონავირუსის გამო, საგანგებო მდგომარეობა გამოცხადდა, - ამის შესახებ ინფორმაციას „ბიბისი“ ავრცელებს.
გამოცემის ცნობით, ხელისუფლებამ აღნიშნული გადაწყვეტილება მას შემდეგ მიიღო, რაც შტატში ახალი კორონავირუსით პირველი პაციენტი გარდაიცვალა.
ვირუსის გავრცელების პრევენციის მიზნით საგანგებო მდგომარეობა გამოცხადებულია ვაშინგტონსა და ფლორიდაშიც.
შეგახსენებთ, არსებული მონაცემებით, აშშ-ში ახალი კორონავირუსით 11 ადამიანია დაღუპული. აქედან 10 - ვაშინგტონში, 1 კი - კალიფორნიაში. ქვეყანაში დაინფიცირებულთა რაოდენობა 150-მდე გაიზარდა.