გავლენიანმა საერთაშორისო ორგანიზაცია Freedom House-მა ახალი ანგარიში გამოაქვეყნა, სადაც საქართველოს თავისუფლების რეიტინგში 100 ქულიდან 61 აქვს მინიჭებული. აღნიშნული შეფასებით, შარშანდელთან შედარებით, საქართველომ ორი ქულით უკან დაიხია. 2019 წელს ქვეყნის მაჩვენებელი 63 ქულა იყო.

ქვეყნების ჩამონათვალში საქართველო ნარინჯისფერი ფერითაა აღნიშნული, რაც „ნაწილობრივ თავისუფალს“ აღნიშნავს. პოლიტიკურ უფლებებში საქართველოს 40-დან 24, ხოლო სამოქალაქო უფლებების მხრივ ქვეყანას 60-დან 37 ქულა აქვს მინიჭებული.

რაც შეეხება მეზობელ ქვეყნებს, ანგარიშის თანახმად, სომხეთს - 53, აზერბაიჯანს -10, რუსეთს - 20, ხოლო თურქეთს - 32 ქულა აქვს მინიჭებული. აღმოსავლეთ პარტნირობის სხვა ქვეყნების მონაცემები კი ასეთია: უკრაინა - 62, მოლდოვა - 60, და ბელარუსი - 19 ქულა.

აღსანიშნავია, რომ Freedom House-ის ანგარიში „თავისუფლება მსოფლიოში“ ყოველწლიურად ქვეყნდება. 100 ქულიანი შეფასებიდან 0-არათავისუფალს ნიშნავს, ხოლო 100-თავისუფლების უმაღლესი მაჩვენებელია.