საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ოპოზიციასა და ხელისუფლებას შორის საარჩევნო საკითხთან დაკავშირებით, დიალოგისადმი მზადყოფნა გამოავლენს, თუ რომელი ოპოზიციური ძალა ზრუნავს საარჩევნო სისტემის დემოკრატიულობაზე და რომელი არის დესტრუქციული. ამის შესახებ ნათია თურნავამ მთავრობის სხდომის დასრულების შემდეგ განაცხადა.

როგორც თურნავამ აღნიშნა, დიალოგს ალტერნატივა არ აქვს.

„ჩვენ ვხედავთ რომ მიმდინარეობს დიალოგი, ამას მივესალმებით. დიალოგს არ აქვს ალტერნატივა. მზადყოფნა დიალოგისადმი გამოავლენს თუ რომელი ოპოზიციური ძალა არის რეალურად კონსტრუქციული და ზრუნავს საარჩევნო სისტემის დემოკრატიულობაზე და რომელი არის დესტრუქციული და უნდა დესტრუქცია შეიტანოს ამაში“, - განაცხადა თურნავამ.