ესპანეთში კორონავირუსის 219 შემთხვევაა დაფიქსირებული. ინფორმაციას ქვეყნის ჯანდაცვის სამინისტრო ავრცელებს. ამასთან, ახალი კორონავირუსი დაუდასტურდა სამ მცირეწლოვანს მადრიდში.

ქვეყნის ჯანდაცვის უწყების ცნობით, კორონავირუსის ყველაზე მეტი 76 შემთხვევა დედაქალაქ მადრიდშია დადასტურებული. ვირუსის ათობით შემთხვევა ფიქსირდება კატალონიაში, ვალენსიაში, ანდალუზიაში, ბასკეთში, კანტაბრისა და კანარის კუნძულებზე.

შეგახსენებთ, ესპანეთში კორონავირუსს 2 ადამიანი ემსხვერპლა.